Elektrondy sandyq qoltańbany birneshe jolmen alýǵa bolady - QR Baılanys jáne aqparat mınıstri
ASTANA. Qarashanyń 22-si. QazAqparat /Gúlnara Jandaǵulova/ - QR Baılanys jáne aqparat mınıstri Asqar Jumaǵalıev óziniń jeke veb-blogynda elektrondy tsıfrlyq qoltańbany (ETsQ) alý shemasyn túsindirdi.
«ETsQ alý úshin www.egov.kz saıtynda ótinish toltyrý, sodan keıin mańaıdaǵy halyqqa qyzmet kórsetý ortalyǵyna baryp, operatorǵa ózińizdiń jeke kýáligińizdi kórsetýińiz qajet, sóıtip, naq ózińiz (sizdiń jeke málimetterińizdi paıdalanǵysy kelgen basqa bireý emes) ETsQ berýge ótinish bergenińizdi qýattaısyz», dep túsindiredi mınıstr. ETsQ tegin beriledi, dep atap kórsetilgen habarlamada.
Odan ári qoltańba nusqaýǵa saı ornatylǵan ótinishte kórsetilgen elektrondy poshtaǵa jiberiledi. Qıyndyqtar bola qalǵan jaǵdaıda táýlik boıy jumys isteıtin 1414 tegin nómir arqyly «e-gov» call-ortalyǵyna qońyraý shalýǵa bolady.
Aıtqandaı, elektrondy tsıfrlyq qoltańba birneshe jolmen berilýde, dep atap ótedi Baılanys jáne aqparat mınıstrliginiń basshysy. «Megalaın» qyzmet úlgisin usynýshy dılerlerimen habarlassańyz, olar ózderi úıińizge ákep beredi. Sondaı-aq, ETsQ-ny Astana jáne Almaty qalalarynyń halyq kóp jınalatyn iri saýda ortalyqtarynan alýyńyzǵa bolady. Eń bastysy - ózińizde jeke kýáligińiz bolýy tıis.
«Elektrondy tsıfrlyq qoltańbaǵa ıe bolý arqyly siz birinshi kezekte, óz ýaqytyńyzdy únemdeısiz. Jáne elektrondy úkimettiń portalyndaǵy qyzmet túrlerin úıińizde otyryp-aq paıdalana alasyz. Mysaly, zeınetaqy aýdarymdary nemese jeke múlkińizdiń bar joqtyǵy týraly anyqtamany alý úshin halyqqa qyzmet kórsetý ortalyǵyna barýdyń qajeti joq. Internet arqyly elektrondy úkimettiń portalynan sanaýly mınýtta alyp bolasyz. ıAǵnı ınternet arqyly jibergen suranymyńyzdy mindetti túrde ózińizdiń elektrondy qoltańbańyz arqyly rastaýyńyz kerek. Memlekettik organ sizdiń qoltańbańyzdy sáıkestendirgen soń, siz suraǵan anyqtamańyzdy alasyz», - dep jazady mınıstr.
Elektrondy tsıfrlyq qoltańba (ETsP) - sizdiń qoltańbańyzdyń analogy. Elektrondy málimetterdiń krıptografııalyq ózgerýi qorytyndysynda alynǵan sımvoldar rettiligi. Sonymen bige bul elektrondy qujatty rastaıtyn jáne onyń qaýipsizdigin qamtamasyz etetin tehnıkalyq qural.
