Elektrondy poshtany jıi tekserý densaýlyqqa zııandy
ASTANA. QazAqparat - Elektrondy poshtany jıi tekserý densaýlyqqa zııandy. Zertteý júrgizgen brıtanııalyq ǵalymdar osyndaı sheshimge keldi, dep jazady 24.kz epochtimes.ru-ǵa siltememen.
Olardyń málimdeýinshe, poshtany únemi tekseretin adamdar kúızeliske túsedi. Al onyń sońy qalqansha bezdiń, júrektiń aýrýy men ózge de dertterge aparyp soqtyrýy múmkin. Bul aýrýlar ásirese keńse qyzmetkerlerine jıi qaýip tóndiredi. Olar elektrondy hattarǵa jedel jáne ýaqytyly jaýap berýleri tıis. Sol sebepti ár hattyń kelýin taǵatsyzdana kútip, júıke júıesin tozdyrady.
Ǵalymdar ǵalamtordaǵy poshtasyn jıi tekseretin adamdardyń fızıologııalyq kórsetkishterin baǵalaǵan. Onyń barysynda qyzmetkerler kúızeliske ushyraǵandaryn tipti baıqamaıtyndyqtary anyqtalypty. Zertteýshiler máseleniń negizi adamdardyń sol kúızelisterdi jeńe almaıtyndyǵynda ekendigin alǵa tartty.
