Elektrondy oqytýdyń «e-learning» júıesi boıynsha mektepterden shaǵym túsip jatyr - A. Sárinjipov
ASTANA. 27 qarasha. QazAqparat - Elektrondy oqytýdyń «e-learning» júıesi barlyq mektepterde tıisti deńgeıde jumys istegen jaǵdaıda ǵana qarjyny aýdaramyz. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Bilim jáne ǵylym mınıstri Aslan Sárinjipov málim etti.
«e-learning» baǵdarlamasy boıynsha «Ulttyq aqparattyq tehnologııalar» AQ-men kelissózder júrgizip jatyrmyz, bul problemany joıý máselesin tótesinen qoıdyq. Osy baǵdarlamaǵa 2011 jyly 1,5 mıllıard teńge bólinip, 44 mektepke bul júıe ornatyldy. 2012 jyly 12 mıllıard teńge baǵyttalyp, 500-den astam mektepterde osy júıe iske qosyldy. Biraq, atalǵan 500 mekteptiń ishinde 50-den astam oqý ornynda júıe jóni túzeý jumys istemeı otyr. 2013 jyly 15 mıllıard teńge josparda bolǵan (578 mektepti qamtý)»,-dedi mınıstr.
Osy oraıda A. Sárinjipov bul júıeniń durys istemeýine baılanysty mektepterden kóp shaǵymdar túsip jatqandyǵyn jetkizdi.
Onyń sózine qaraǵanda, bıylǵy jylǵa negizdelgen 578 mektepte elektrondy oqytýdyń baǵdarlamasy tıisti deńgeıde jumys istegen jaǵdaıda, sondaı-aq muǵalimder men oqýshylar osy júıeni tolyq paıdalansa, vedomstvo qajetti qarjyny aýdarýǵa daıyn.
«Problemalar týyndaǵan mektepterdiń tizimi bizde bar. Sondyqtan bul mektepterde júıe tolyq iske qosylǵan jaǵdaıda ǵana qarjyny aýdaramyz. Bul júıe «Ulttyq aqparattyq tehnologııalar» AQ nemese QR Bilim jáne ǵylym mınıstrligi úshin emes, jalpy elektrondy oqytý balalar úshin jasalǵan. Sondyqtan júıe balalardyń bilimine jarap jatsa, qarjy bólemiz. ıAǵnı, osyndaı saıası sheshim bar»,-dep túıdi mınıstr.
