Elektrondy oqytýdy engizý oqýshylar úlgerimin 15 paıyzǵa arttyrýǵa múmkindik beredi
ASTANA. 19 naýryz. QazAqparat - Elektrondy oqytýdy engizý oqýshylar úlgerimin 15 paıyzǵa arttyrýǵa múmkindik beredi. Bul týraly búgin Úkimet otyrysynda QR Bilim jáne ǵylym mınıstri Baqytjan Jumaǵulov málim etti.
«ıAǵnı, bilim berý sapasy tikeleı artady. Bul - álemdik tájirıbege sáıkes keledi jáne bizdiń tańdaǵan jolymyzdyń durystyǵyn rastaıdy»,-dedi mınıstr.
Onyń sózine qaraǵanda, búgingi kúni elektrondy oqytý jobasymen 581 uıym qamtylǵan. «Memlekettik bilim baǵdarlamasyna sáıkes 2015 jyly osy jobaǵa bilim berý uıymdarynyń 50 paıyzyn, al 2020 jyly 90 paıyzdan astamyn qosý qajet. Joba óte aýqymdy jáne 5 mln. astam adamdy qamtıdy. Olardyń ishinde oqýshylar, pedagogtar, sondaı-aq ata-analar bar. Elektrondy oqytý balabaqshadan bastap, joǵary bilim men ǵylym júıesine deıingi barlyq bilim deńgeılerinde qoldanylatyn bolady»,-dedi B. Jumaǵulov.
