«Elektrondy qylmystyq is» qansha aqshany únemdeýge múmkindik beredi
«Elektrondy qylmystyq is» jobasy (e-QІ) ınnovatsııalyq tehnologııalardy engizý arqyly qylmystyq protsesterdi jeńildetý men olardyń merzimin qysqartýǵa baǵyttalǵan. Tsıfrlandyrý salasyndaǵy jańa tehnologııalar ýaqytty únemdep, kommýnıkatsııa men basqarýshylyqty jeńildetedi, sapany jaqsartyp, shyǵyndardy qysqartady. Bul e-QІ-niń artyqshylyqtary bolyp tabylady», - dedi Ámirov «Ashyq dıalog» portalyndaǵy «Qylmystyq sot óndirisiniń tsıfrlandyrylýy» atty ınternet-konferentsııasy kezinde.
Ol óz sózinde elektrondyq sanktsııalardyń qyzmeti qaraýylsyz-aq usalǵandardy onlaın-tártipte tutqynda ustaý túrindegi sanktsııalyq sharalardyń máselesin retteýge múmkindik beretinin atap ótti. Al bul óz kezeginde shyǵyndar men protsessýaldyq merzimderdi qysqartýǵa jol ashyp, ustalǵandardyń qashyp ketý qaýpin tómendetedi.
«Modýl boıynsha aldaǵy ýaqytta qylmystyq protseske qatysýshylardy SMS-habarlama arqyly shaqyrý tetigi qarastyrylǵan. Júıe SMS-habarlama arqyly tergeýshi bergen nómirge habar jiberýge qaýqarly. Qazaqstanda jyl saıyn 550 myńǵa jýyq qylmystyq is qaralady. Bul 2 mıllıon shaqyrý qaǵazy degen sóz. Oǵan aıtarlyqtaı ýaqyt pen 10 tonna qaǵaz ketedi. Onyń ústinde shaqyrýdy jetkizý shyǵyny taǵy bar», - deıdi Muharan Ámirov.
Ol sonymen qatar, tyń júıe qarajatty únemdeýge múmkindik beretinin aıtty.
«Ótken jyly 117 743 adam qylmystyq jaýapkershilikke tartylǵan. Olar úshin psıhıatrııalyq jáne narkologııalyq dıspanserlerden anyqtamalar, ózge de mekemelerden qajetti ótinimder úshin 100 myńnan astam adam 100 myńnan astam saǵatty jumsap, 2,5 tonna qaǵaz ketirdi. Mine, sondyqtan, jańa júıe birqatar resýrstarmen birge 1 mıllıard teńgeni únemdeýge jol ashady», - deıdi Ámirov.
