Elektrondy kúndelik bilim sapasyn arttyrýǵa baǵyttalýy kerek - Asqar Jumaǵalıev
AQTÓBE. QazAqparat - Aqtóbege jumys saparymen Premer-Mınıstrdiń orynbasary Asqar Jumaǵalıev keldi. Bilim, medıtsına, óndiristegi tsıfrlandyrý jumystarymen tanysqan soń birqatar tapsyrmalar berildi, dep habarlaıdy QazAqparat tilshisi.
Aqtóbege jumys saparymen kelgen Premer-Mınıstrdiń orynbasary Asqar Jumaǵalıev taıaýda ashylǵan mekteptegi tsıfrlandyrý jumysymen tanysty. J.Táshenov atyndaǵy orta mektepte barlyǵy 600-ge jýyq bilim alady. Munda muǵalimder elektrondy kúndelikti paıdalanady. Degenmen áli kúnge deıin qaǵaz jýrnaldar qosymsha júrgiziledi.
«Tsıfrlandyrý kompıýter men ınternetti paıdalanýmen shektelmeıdi, biz osy arqyly bilim sapasyn arttyrýymyz kerek. Halyqaralyq tájirıbege súıensek, biz bilim alý sapasyn da arttyra alamyz»,- dedi Premer-Mınıstrdiń orynbasary Asqar Jumaǵalıev.
Aqtóbe qalasy boıynsha mektep muǵalimderi elektrondy kúndelik paıdalanyp júr. Olar sabaq ótkizip, 5-10 mınýt ýaqytyn balalardyń bilimin baǵalaýǵa arnaıdy. Degenmen oblys bilim salasyna elektrondy kúndelik engizý jumysyn áli damytýy kerek. Qazir oblys respýblıka boıynsha 12 orynda tur.
«Aqtóbe qalasy boıynsha barlyq mektepte elektrondy kúndelik engizilip jatyr. Naýryz aıynda barlyǵy iske qosylady. Qazir selolyq okrýgterdegi mektepterge ınternet qosylyp, muǵalimder kúndelikti toltyrý joldaryn úırenip jatyr»,- dedi Aqtóbe qalasynyń ákimi Іlııas Ispanov.
Aqtóbelik oqýshylar men ata-analar elektrondy kúndelik qosymshasyn júktep, oqý úlgerimin ońaı qarap otyra alady.
«Elektrondy kúndelik balanyń kóńiline emes, bilimine qaraıdy. ıAǵnı, bala sol kúni alǵan baǵasyn ózgerte almaıdy ári toqsan aıaqtalǵan kezde «5» degen baǵa qoıyp, úzdikterdiń qataryna qospaımyz. Qaǵazdan arylyp, aldaǵy ýaqytta úı tapsyrmasyn da elektrondy túrde bere alamyz»,- dedi mektep muǵalimi Bádegúl Tórebekova.
