Elektrondy kommertsııa: 2 myńnan astam kásipker bilimin jetildirdi
«Ótken jyly elektrondy kommertsııa naryǵyn damytýdyń 2025 jylǵa deıingi is-sharalar jospary bekitildi. Alibaba halyqaralyq elektrondy saýda alańynda bizdiń ulttyq pavılon ashyldy. Atalǵan platformaǵa qosymsha 70 otandyq kompanııa shyǵarylyp, olardyń satý kólemi 70 mln AQSh dollaryn qurady», - dedi Saýda jáne ıntegratsııa vıtse-mınıstri Qaırat Balyqbaev elordada ótken elektrondyq kommertsııa mektebiniń jumys qorytyndysyna arnalǵan shara barysynda.
Onyń aıtýynsha, byltyr mınıstrlik jáne birneshe kompanııanyń birlesýimen «Elektrondy kommertsııa mektebi» jobasy iske qosyldy.
«Joba aıasynda elimizdiń barlyq óńirinen jáne túrli sala boıynsha 2 myńnan astam shaǵyn jáne orta bıznes sýbektisi oqytyldy. Olardyń qatarynda oıynshyqtar, kıim-keshek, toqyma buıymdary, azyq-túlik jáne taǵy sol sııaqty satý kásipkerligi bar», - dep tolyqtyrdy vıtse-mınıstr.
Eske salsaq, byltyr kúzde Qazaqstanda elektrondy kóterme saýdany damytý úshin arnaıy akademııa ashylatyndyǵy aıtylǵan edi.
