Elektrondy eńbek shartynyń tıimdiligi qandaı

ASTANA. QazAqparat - Qazaqstanda elektrondy eńbek sharttaryn esepke alýdyń biryńǵaı júıesi engiziledi.  Bul týraly Ortalyq kommýnıkatsııalar qyzmetindegi baspasóz máslıhatynda QR Eńbek jáne halyqty áleýmettik qorǵaý vıtse-mınıstri Narıman Muqyshev aıtty, dep habarlaıdy QazAqparat tilshisi.

«Elektrondy eńbek sharttaryn esepke alýdyń biryńǵaı júıesi» jobasynyń maqsaty - halyqqa kórsetiletin qyzmetterin sapasyn arttyrý jáne azamattarymyzdyń  jumysqa ornalasýyna qolaıly jaǵdaı jasaý», - dedi ol.

Vıtse-mınıstrdiń aıtýynsha, birinshi kezekte elektrondyq eńbek sharttaryn engizý jumyskerler úshin jumysqa ornalasý protsesin jeńildetedi. Jeke is avtomatty túrde qalyptasatyn bolǵandyqtan qujattardy jınaýdyń qajeti bolmaı qalady.

«Jumys berýshilermen ózara áreket etýdiń osyndaı túri, ásirese jumys berýshimen tikeleı baılanyssyz qashyqtyqta jumys isteıtin jáne vahtalyq jumyskerlerge yńǵaıly bolady. Ekinshiden, bul jumys berýshilerdiń jumyskerler aldyndaǵy jaýapkershiligin belgileýge jáne Biryńǵaı jınaqtaýshy zeınetaqy qoryna, Áleýmettik saqtandyrý qoryna túsetin jarnalar men aýdarymdarǵa júrgiziletin monıtorıng arqasynda áleýmettik qaterden qorǵaýǵa múmkindik beredi», - dedi Narıman Muqyshev.