Elektrondy eńbek bırjasynda jańa ózgerister bolady
QR Aqparat jáne kommýnıkatsııalar mınıstri Dáýren Abaevtyń aıtýynsha, áleýmettik-eńbek salasyn tsıfrlandyrý aıasynda elektrondy eńbek bırjasy óz tıimdiligin kórsetti. Osynyń nətıjesinde jumysqa ornalasý tártibi eki ese azaıyp, jumys ashyq júrgizile bastady. Qazirgi tańda bırja qyzmetine 98 myńnan astam jumys berýshi men 486 myńnan asa jumys izdeýshi tirkelgen. Sondaı-aq, 51 jumyspen qamtý jeke agenttikteri jelige qosyldy.
«2018 jyly 533 myńnan asa jumys izdeýshi jumysqa ornalasty, onyń ishinde 409 myń adam turaqty jumys orynyn tapty. 2019 jyly qyzmetkerdiń beınesi men eńbek kelisim shartyn portalǵa engizý josparlanǵan. Bul qaǵaz bastylyqty azaıtady ári arhıvtegi derekterge qoljetimdilikti qamtamasyz etedi», - dedi D.Abaev Úkimettiń búgingi otyrysynda.
Aıta keteıik, búgingi otyrysta QR Aqparat jáne kommýnıkatsııalar mınıstri Dáýren Abaev «Tsıfrlyq Qazaqstan» baǵdarlamasyn iske asyrýdyń nátıjesi boıynsha esep berdi. Osy oraıda Úkimet basshysy Baqytjan Saǵyntaev tsıfrlandyrý aıasynda memlekettik organdardyń ózara baılanysyn kúsheıtip, aqparattyq texnologııalardy qoldanýdy talap etetin normalardy tezdetip bitirýdi tapsyrdy.
