Elektrondy eńbek bırjasynda frılanserlerge arnalǵan platforma qurylady
«2021 jylǵy 1 naýryzdan bastap Elektrondy eńbek bırjasy jańartylǵan formatta jumys isteıdi. Portaldyń dızaıny men navıgatsııasy jetildirilip, bos jumys oryndary men túıindemelerdi izdeý keńeıtildi. 1 shildede Eýrazııalyq ekonomıkalyq odaq elderinde «Shekarasyz jumys» birizdendirilgen izdeý júıesi paıdalanýǵa engizildi. Bul halyqaralyq izdeý júıesi EAEO-nyń barlyq elderindegi bos jumys oryndary men jumys izdeýshiler týraly aqparat alýǵa múkindik beredi. Qazaqstannyń elektrondyq eńbek bırjasynan basqa platformaǵa Armenııa, Belarýs, Qyrǵyzstan jáne Reseıdiń jumyspen qamtý jáne jumysqa ornalastyrý salasyndaǵy aqparattyq júıeleri qosylǵan», – dedi Dáýlet Arǵyndyqov.
Kompanııa basshysynyń aıtýynsha, Elektrondy eńbek bırjasynyń bazasynda keleshekte birneshe servısti biriktiretin biryńǵaı tsıfrlyq platformalar jasalmaq.
«Bırjany odan ári damytý tujyrymdamasy onyń negizinde birqatar servısterdi biriktiretin biryńǵaı tsıfrlyq platforma – skills.enbek.kz biryńǵaı bilim berý portalyn, business.enbek.kz kásipkerlik bastamalardyń biryńǵaı terezesin, qashyqtan jumys isteıtin mamandarǵa (frılanserlerge) arnalǵan platforma qurýdy kózdeıdi. 2021 jyldyń shilde aıynda skills.enbek.kz onlaın oqytý alańy iske qosyldy.
«Eńbek Bıznes» kishi júıesin iske qosý josparlanýda, ol protsesti avtomattandyrýǵa jáne azamattardan memlekettik qoldaý sharalaryn alýǵa – «Bastaý Bıznes» jobasy boıynsha kásipkerlik negizderine oqytýǵa, jańa bıznes-ıdeıalardy iske asyrýǵa mıkrokredıtter nemese memlekettik granttar alýǵa onlaın ótinimderdi qabyldaýǵa arnalǵan», – dedi Dáýlet Arǵyndyqov.
