Elektrondy deklaratsııalaý kedendik rásimderdi jetildirýge múmkindik beredi
«2018 jyly Qazaqstanda tolyqtaı elektrondy kedendik deklaratsııalaý engizildi, ony syrtqy ekonomıkalyq qyzmetke qatysýshylar laıyqty baǵalady. Búginde, 3 jyldan keıin kedendik rásimderdi jetildirý maqsatynda ozyq aqparattyq tehnologııalardy qoldana otyryp, elektrondy deklaratsııalaý ortalyǵy jumys isteı bastady. «Elektrondy deklaratsııalaý ortalyǵy» - memlekettik kirister organdaryndaǵy jańa bólimshe, elektrondy deklaratsııalaýdy damytý jolyndaǵy jańa kezeń. EDO qurýdyń negizgi mindetteriniń biri kedendik operatsııalardy jasaý protsesinde keden organy men deklaranttyń ózara is-qımylyn barynsha azaıtý boldy. Іs júzinde solaı bolyp jatyr, deklaratsııalaý túıispesiz, «ASTANA-1» Aqparattyq júıesi arqyly júzege asyrylady, bul sybaılas jemqorlyq táýekelderin aıtarlyqtaı tómendetti. Aýmaqtyq memlekettik kirister organdarymen ózara is-qımyl Telegram-arna arqyly júzege asyrylady», - delingen QR QM Memlekettik kirister komıteti málimetinde.
Qazirgi ýaqytta Ortalyq arqyly resimdeýge 13 óńir qosylǵan. Qalǵan oblystar qosylǵannan keıin, kedendik baqylaý bir ortalyqta júzege asyrylatyn qujattyq baqylaý jáne taýar ornalasqan jerde júrgiziletin tekserý men qaraýdy qamtıtyn naqty baqylaý bolyp bólinedi.
15 mamyrǵa deıin qalǵan 4 oblysty da Elektrondy deklaratsııalaý ortalyǵyna qosý josparlanǵan.
Deklaratsııalar táýlik boıy beriledi, olardy syrtqy ekonomıkalyq qyzmetke qatysýshylaryna tanys emes ınspektorlar qaraıdy.
Nátıjesinde, 2020 jylǵy 15 qyrkúıek - 2021 jylǵy 16 sáýir aralyǵyndaǵy kezeńde Elektrondyq deklaratsııalaý ortalyǵy tarapynan 3 mlrd teńgeden astam kedendik tólemder men salyqtardy qosymsha esepteý júrgizilgen.
