Elektrondy tsıfrlyq qoltańbanyń merzimi úsh jylǵa uzartylady

ASTANA. QazAqparat - Búgin QR Aqparat jáne kommýnıkatsııalar mınıstri Dáýren Abaevtyń xalyqqa esep berý kezdesýinde elektrondy tsıfrlyq qoltańbany uzartýǵa qatysty suraq qoıyldy. Oǵan «Zerde» aqparattyq-kommýnıkatsııalyq xoldınginiń basshysy Rýslan Eńsebaev jaýap berdi, dep xabarlaıdy QazAqparat tilshisi.

«Qazirgi kezde biz xalyqaralyq tájirıbeni zerdelep jatyrmyz. Negizi, elektrondy tsıfrlyq qoltańbanyń merzimin bir jyldan úsh jylǵa uzartýǵa bolady. Osyǵan qatysty tıisti máseleler pysyqtalyp jatyr», - dedi R.Eńsebaev.

Holdıng basshysynyń aıtýynsha, búginde elektrondy tsıfrlyq qoltańbany alý úshin mindetti túrde Halyqqa qyzmet kórsetý ortalyǵyna barý qajet. Odan keıin úıden shyqpaı-aq, onlaın rejımde ETsQ-nyń merzimin uzartyp otyrýǵa bolady.

«Jańa bastama iske asqanda elektrondy tsıfrlyq qoltańba bir jylǵa emes, birden úsh jylǵa beriledi», - dep atap kórsetti R.Eńsebaev.

Aıta keteıik, kezdesý kezinde mınıstr Abaev kelesi jyly tirkelmegen telefondarǵa uıaly baılanystyń qosylmaıtynyn taǵy bir márte eske saldy.

Telefondardy tirkeý sharalary jyldyń ortasynda bastalady.