Elektrondy tsıfrlyq qoltańbany smartfonǵa júkteýge bolady

NUR-SULTAN. QazAqparat – Jaqynda qazaqstandyqtar elektrondyq tsıfrlyq qoltańbany smartfonǵa júkteı alady. Bul týraly QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Abylaıhan Ospanov málim etti, dep habarlaıdy QazAqparat tilshisi.

«Biz búginde azamattarǵa tsıfrlyq qoltańbany alýyn jeńildetý boıynsha jumysty júrgizýdemiz. Osy oraıda, elektrondy tsıfrlyq qoltańbany mobıldik qosymsha arqyly berýdi iske asyrmaqpyz. Meniń oıymsha, bul jumys eki-úsh aıda júzege asyrylady», - dedi A. Ospanov Úkimet úıindegi baspasóz máslıhatynda.

Onyń sózine qaraǵanda, vedomstvoda turǵyndardyń Halyqqa qyzmet kórsetý ortalyǵyna barmastan, tsıfrlyq qoltańbany alýy múmkindigin usyný baǵytynda jumystar atqarylýda.

«Eger de qoltańbany telefonǵa ornatsańyz, biz tıisti múmkindikterdi jasaımyz», - dedi vıtse-mınıstr.

Abylaıhan Ospanovtyń aıtýynsha, elektrondy tsıfrlyq qoltańba avtomatty túrde barlyq qyzmetterdi qamtıdy.

Aıta keteıik, búginde elimizde qyzmetterdiń 72 paıyzǵa jýyǵyn elektrondy formatta alýǵa bolady.