Elektrondy-tsıfrlyq qoltańbany QR arqyly qol qoıý mehanızmi almastyrady

ASTANA. QazAqparat - Memlekettik qyzmet kórsetýde elektrondy-tsıfrlyq qoltańbadan bas tartý máselesi qarastyryldy, dep jazdy Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Feısbýktegi paraqshasynda.

«Memlekettik qyzmet kórsetý máseleleri jónindegi vedomstvoaralyq komıssııanyń kezekti otyrysyn ótkizdik. Kún tártibinde elektrondy-tsıfrlyq qoltańbadan bas tartý, halyqqa qyzmet kórsetý ortalyqtarynan qujattar alý, emhanaǵa tirkelý jáne bızneske arnalǵan qyzmetterdi jetildirý máseleleri qarastyryldy.
Meniń oıymsha, biz birinshi kezekte halyqqa elektrondyq qyzmetterdi paıdalaný yńǵaıly ekenine kóz jetkizýimiz kerek. Qazirgi ýaqytta QR arqyly qol qoıý mehanızmi ázirlendi, ol yńǵaıly jáne qaýipsiz. Ony barlyq portaldarǵa engizý ǵana qaldy. Bul jumysty jandandyrý jáne NCALayer júıesinen tolyq bas tartý boıynsha tapsyrma berdim» dep jazdy mınıstr.
Otyrys barysynda, Baǵdat Mýsınniń aıtýynsha, mynandaı másele kóterildi. Keıbir jaǵdaılarda qyzmet alýshylar qandaı da bir qujattyń daıyn bolǵany týraly SMS habarlama alyp, HQKO-ǵa kelgende onyń áli jetkizilmegenin bilip jatady. Biz bul qyzmetti jetildirip jatqanymyzdy jáne jaqyn ýaqytta adamdar halyqqa qyzmet kórsetý ortalyqtaryna qaıta kelmeı, qyzmetterdi elektrondyq túrde, ýaqytynda alatynyn bolady.

Sondaı-aq, vedomstvo basshysy emhanaǵa tirkelý protsesin tolyq avtomattandyrylatynyn aıtty.
«Jaqyn arada emhanaǵa tirkelý protsesin tolyq avtomattandyrý josparlanýda. Mundaı bastamany Densaýlyq saqtaý mınıstrligi usyndy. ıAǵnı, ótinishter qaǵaz túrinde qaralmaıdy, júıeniń ózi bárin tekseredi jáne tirkeıdi, al kóshken kezde adamǵa jańa turǵylyqty jeri boıynsha emhana usynylady.

Sonymen qatar, búgin Ádilet mınıstrliginiń bastamasymen derekterdi ózgertý protsesterin jeńildetý, mysaly, tirkeý mekenjaıyn ózgertýge qatysty usynys qaraldy. Bul qyzmet bankterdiń qosymshalarynda qoljetimdi bolady. Tek tehnıkalyq turǵyda iske asyrý ǵana qaldy, sondyqtan men bul jumystardy jedeldetýdi tapsyrdym», - dedi Baǵdat Mýsın.

Budan bólek, mınıstr memlekettik qyzmetter úshin tólem engizý jaǵdaıy talqylanǵanyn jazady.
«Sheteldikterdiń qyzmet alýy kezinde aqy tóleý júıesin engizýge basa nazar aýdaryldy. Men múddeli memlekettik organdardaǵy (Іshki ister mınıstrligi, Ádilet mınıstrligi, Qarjy mınıstrligi) men Úkimettegi áriptesterime azamattarǵa kelesi jyldan bastap sheteldikter úshin tólem engizý mehanızmin ázirleýdi tapsyrdym», - dep túıdi sózin Baǵdat Mýsın.

Foto: facebook.com/BagdatMussin