Elektrondy aýktsıonǵa shyǵarylǵan Tóleshovtiń kólikteriniń bireýi de satylǵan joq
ShYMKENT. QazAqparat - Búgin Toqtar Tóleshovtiń elektrondy aýktsıonǵa shyǵarylǵan kólikteriniń birde biri satylmady. Jalpy quny 73 496 000 teńgeni quraıtyn bes kólikti eshkim satyp alýǵa nıet bildirmepti. Bul týraly Ońtústik Qazaqstan memlekettik múlik jáne jekeshelendirý departamentiniń bólim basshysy Ǵalym Qasymbekov QazAqparat HAA tilshisine aıtty.
Departamenttiń jekelegen negizder boıynsha túsken múlikpen jumys bóliminiń basshysy Ǵalym Mahambetulynyń sózinshe, satylymǵa qoıylǵan Rolls-Royce, Bentley, Mitsubishi GT, GMC jáne Chevrolet Suburban markaly avtokólikteri endi 50 paıyz tómen baǵamen saýdaǵa qoıylatyn bolady.
«Sot aktisi boıynsha Toqtar Tóleshovtiń 22 avtokóligi memleket menshigine qabyldanǵan bolatyn. Onyń ishindegi naryqtyq quny 69 mln teńgeden astam bolatyn 6 avtokólik (Chevrolet Suburban -4, Chevrolet Explorer -1, Chevrolet Tahoe -1) memlekettik zańdy tulǵalardyń teńgerimine tegin berildi. ıAǵnı, Respýblıkalyq bıýdjetten osy kólikterge dep qarastyrylǵan aqsha únemdeldi.
Taǵy 9 avtokólik 2017 jylǵy 19 shildedegi №10 shy komıssııa hattamasynyń sheshimine saı memlekettik zańdy tulǵalardyń menshigine tegin berý úshin memlekettik múlik veb portalyna usynyldy. Ol boıynsha qazirgi kúnde memlekettik zańdy tulǵalardyń teńgerimine berý boıynsha komıssııa sheshim qabyldaýda.
Sonymen qatar memlekettik zańdy tulǵalardan usynys túspegen 5 avtokólik (Rolls-Royce, Bentley, Mitsubishi GT, GMC, Chevrolet Suburban) aýktsıonnyń saýda sattyqty joǵarylatý ádisi boıynsha elektrondy saýdaǵa qoıylǵan bolatyn. Alaıda, aýktsıonǵa qatysýshylardyń bolmaýy sebepti saýda-sattyq ótkizilmedi dep tanyldy. Ol týraly elektrondy akt jasaldy. Endi komıssııanyń kezekti otyrysynda qaralyp, aýktsıonda ótpegen kólikterdiń baǵasy 50 paıyzǵa tómendetiledi. ıAǵnı, elektrondy saýda baǵasyn tómendetý ádisi boıynsha taǵy uıymdastyrylady»,-dedi Ǵalym Qasymbekov.
Aıta keteıik, búgin Ońtústik Qazaqstan memlekettik múlik jáne jekeshelendirý departamenti gosreestr.kz saıtyna Tóleshovtiń 5 kóligi satýǵa qoıylǵan bolatyn. Olardyń qatarynda: 1992 jylǵy Mitsubishi GT, 2005 jylǵy Rolls-Royce, Bentley men 2006 jylǵy jol talǵamaıtyn GMC kólikteri bar. Máselen, Mitsubishi GT kóliginiń bastapqy baǵasy 1 mln 083 myń teńge bolsa, aýktsıonǵa qatysý úshin bastapqy kepil jarnasy - 162 450 teńge bolyp belgilengen. Al, Bentley kóliginiń bastapqy baǵasy 13 703 000 teńge bolyp belgilengen. Saýdaǵa qatysqysy keletin adam aldymen 2 055 450 teńge tóleýi tıis edi. Rolls-Royce kóliginiń baǵasy 40 150 000 teńgeden bastaldy. Bastapqy kepil jarnasy 6 022 500 teńgeni quraǵan. Jol talǵamaıtyn GMC kóliginiń alǵashqy baǵasy 6 527 000 teńge bolsa, elektrondy saýdaǵa qatysý úshin - 979 050 teńge tóleý qajet bolatyn.
