«Elektrondy ákimdik» portaly usynylatyn memlekettik qyzmetterdiń sanyn ulǵaıtty
ASTANA. 16 aqpan. QazAqparat - Astana ákimdiginiń elektrondy portaly memlekettik qyzmetterdiń sanyn 25-ke jetkizdi.
Búgin baspasóz máslıhatynda atalmysh portaldyń jasaqtaýshylary «elektrondy ákimdik» jobasynyń jańashyldyqtary týraly aıtyp berdi.
Qazirgi ýaqytta e.astana.kz portaly 25 memlekettik qyzmet túrin kórsete alady. Onyń ishinde balalardy balabaqshaǵa tirkeý, memlekettik qordan turǵyn-úı alýǵa muqtaj jandardy tizimge alý, jumyssyz adamdarǵa anyqtama berý syndy qyzmetter usynylǵan.
«Elektrondy ákimdik» qurylǵaly beri halyqqa 10 myńnan astam memlekettik qyzmet túri kórsetilgen.
Jalpy «E-ákimdik» bilim salasynda - 9, turǵyn-úı - 1, jumyspen qamtý - 11 jáne jer qatynastary salasynda - 4 memlekettik qyzmet usynǵan.
