Elektrondyq veıp satqan BQO turǵynyna úkim kesildi

ORAL. KAZINFORM — Oral qalalyq sotynda elektrondyq veıp satýmen jáne taratýmen aınalysqan turǵynǵa qatysty qylmystyq is qaralyp, úkim shyqty. 

BQO sotynyń baspasóz qyzmetinen málim etkenindeı, sottalýshy kóp shyǵyn men kúsh jumsamaı-aq temeki ónimderin, elektrondy tutyný júıelerin (veıptar), hosh ıistendirgishter men olarǵa arnalǵan suıyqtyqtardy satý arqyly paıda tabýǵa bolatynyn bilgen.

Bıylǵy maýsym aıynda atalǵan turǵyn shıe hosh ıisi bar «WAKA 20000» markaly bir elektrondy temekini 15 myń teńgege satqan. Aqshasyn «Kaspi.kz» mobıldi qosymshasy arqyly alǵan. Satyp alýshy bul týraly polıtsııaǵa habarlaǵan.

— Sottalýshynyń turǵylyqty mekenjaıynan 44 dana veıp tárkilendi. Sot otyrysynda ol óz kinásin moıyndady. Birinshi satydaǵy sot dáleldemelerdi zerttep, baǵalaǵannan keıin veıp satýshyny kináli dep tanyp, oǵan 20 AEK kóleminde 78 640 teńge aıyppul salyndy. Úkim zańdy kúshine engen joq, — dep habarlady vedomstvodan.

Eske sala keteıik, budan buryn BQO-da jol qurylysy talaptaryn buzǵan kompanııaǵa 2,5 mln astam teńge aıyppul salynǵanyn jazǵan edik.