Elektrondyq shot-faktýralar men salyq tóleý tártibinde jeńildikter engizildi
ASTANA. KAZINFORM — Jobalyq keńseniń otyrysynda rezıdent emester úshin QQS tóleý kezinde elektrondyq shot-faktýralardy (EShF) jazyp berý merzimi boıynsha Salyq kodeksiniń jańa normasyn qoldaný máselesi qaraldy. Bul týraly Úkimettiń baspasóz qyzmeti málim etti.
Qoldanystaǵy norma rezıdent emester úshin QQS boıynsha EShF QQS tólengennen keıin kúntizbelik 5 kúnnen keshiktirmeı jazyp berýdi kózdeıdi. Alaıda is júzinde bıznesti ákimshilendirýde qıyndyqtarǵa tap bolady, ásirese rezıdent emesterge arnalǵan QQS esepshotynda artyq tólem bolǵan jaǵdaıda ony durys esepke alý men shot-faktýra rásimdeý qıyndyq týdyrady.
— Kásipkerlermen jáne «Atameken» UKP-pen talqylaýdan keıin mehanızmdi jeńildetý týraly sheshim qabyldandy. Rezıdent emesten alynǵan qyzmet úshin QQS boıynsha elektrondy shot-faktýrany qyzmet alýshy (QQS tóleýshi) qyzmetti alǵan kúnnen bastap 15 kún ishinde rásimdeýi tıis. Al QQS somasyn esepke alý rezıdent emesterge tólengen QQS tólemi jasaǵan kún boıynsha júrgiziledi, — delingen habarlamada.
Memlekettik kirister komıteti tóraǵasynyń orynbasary Jánibek Nurjanov atap ótkendeı, bul logıka salyq aqparattyq júıelerde iske asyrylýy múmkin jáne bıznes ókilderi tarapynan qoldaý tapqan.
«Atameken» UKP ókiliniń 2026 jyldyń I toqsan qorytyndysy boıynsha rezıdent emester úshin EShF ýaqtyly jazyp bermegeni úshin ákimshilik jazalardy qoldaný týraly suraǵyna jaýap retinde salyq organdary tarapynan óndirip alý qoldanylmaıtyny atap ótildi.
Budan basqa, rezıdent emester úshin EShF úzindi kóshirmesi boıynsha talap 2025 jylǵy IV toqsandaǵy satyp alý jónindegi aınalymǵa qoldanylmaıdy. Tıisti ózgeristerdi Salyq kodeksine retrospektıvtik túrde 2026 jylǵy 1 qańtardan bastap qoldaný kúnimen engizý josparlanǵan. Memlekettik kirister komıteti atalǵan SK normasyn qoldaný týraly egjeı-tegjeıli túsindirmeler usynatyn bolady.
Salyq kodeksi jáne memlekettik satyp alý
Sondaı-aq Jobalyq keńseniń otyrysynda Memlekettik satyp alýlar men kvazımemlekettik sektordyń satyp alýlaryna baılanysty aldaǵy ózgerister túsindirildi. Salyq kodeksiniń erejeleri ózgerissiz qalady. Ýákiletti organdardyń satyp alýdy júrgizý qaǵıdalaryna ózgerister engiziledi. Olar ońaılatylǵan deklaratsııa negizinde arnaıy salyq rejımin qoldanatyn salyq tóleýshilerden taýarlardy, jumystardy, kórsetiletin qyzmetterdi satyp alý boıynsha jalpyǵa birdeı belgilengen tártippen jumys isteıtin salyq tóleýshilerdiń shegerimderin shekteý bóliginde Salyq kodeksine sáıkes keltiriledi.
Elektr energııasy naryǵynda shot-faktýralardy jazyp berý merzimderi
Sondaı-aq Jobalyq keńse otyrysynda qazaqstandyq elektr energııasy jáne qýat naryǵy operatory — «KOREM» AQ-nyń jáne «Jańartylatyn energııa kózderi naryǵyndaǵy esep aıyrysý-qarjy ortalyǵy» JShS biryńǵaı satyp alýshysynyń shot-faktýralardy jazyp berý merzimderin qaıta qaraý týraly ótinishi qaraldy. Elektr energııasy naryǵyna qatysýshylar qyzmetiniń ereksheligin jáne qoldanystaǵy tehnıkalyq reglamentterdi eskere otyryp, osy máseleni naryqtyń barlyq qatysýshylarymen qosymsha pysyqtaý jáne ony Jobalyq keńsede qaıta talqylaýǵa shyǵarý týraly sheshim qabyldandy.
Bıýdjetke salyq túsimderiniń tártibi
Budan bólek, respýblıkalyq bıýdjetke túsimder men salyqtardy esepteý tártibi túsindirildi. Respýblıkalyq bıýdjet kiristeriniń negizgi kózderi korporatıvtik tabys salyǵy (KTS), qosylǵan qun salyǵy (QQS) jáne paıdaly qazbalardy óndirýge salynatyn salyq (QQS) bolyp tabylady. KTS esepti aıdyń 25-kúnine deıin KTS boıynsha avanstyq tólemderdi tóleýshiler aı saıyn tóleıdi. Budan basqa, 2026 jylǵy naýryz-sáýirde 2025 jylǵy qyzmet qorytyndylary boıynsha KTS túsýi tıis.
Avanstyq tólemderdi tólemeıtin tóleýshiler 2026 jylǵy qorytyndy boıynsha KTS-ny 2027 jylǵy 10 sáýirden keshiktirmeı tóleıdi. Sondaı-aq beırezıdent úshin KTS boıynsha tólemder aı saıyn túsýi múmkin.
— Qazaqstan aýmaǵynda óndirilgen taýarlarǵa, oryndalǵan jumystarǵa jáne kórsetilgen qyzmetterge QQS esepti kezeńnen keıingi ekinshi aıdyń 25-kúninen keshiktirilmeı tólenedi. ıAǵnı, 25 aqpanda QQS ótken jyldyń IV toqsanynyń qorytyndysy boıynsha, 25 mamyrda, 25 tamyzda jáne 25 qarashada, tıisinshe aǵymdaǵy jylǵy I, II, III toqsan qorytyndysy boıynsha tólenedi. 2026 jylǵy 25 aqpan-2025 jylǵy IV toqsannyń qorytyndysy boıynsha QQS tóleý merzimi. Rezıdent emester úshin ımportqa QQS jáne QQS mindettemelerdiń týyndaýyna qaraı, ıaǵnı kedendik tazartý kezinde nemese rezıdent emesterden qyzmetterdi satyp alý kezinde tólenedi. PQÓS QQS tóleý merzimine uqsas merzimde tólenedi, — dep habarlady Úkimetten.
Buǵan deıin Premer-mınıstrdiń orynbasary — ulttyq ekonomıka mınıstri Serik Jumanǵarınniń tóraǵalyǵymen ótken Salyq kodeksin engizý jónindegi jobalyq keńseniń 9-otyrysynda EAEO aıasynda jańa salyq normalaryn qoldanýǵa jáne zańnamaǵa engiziletin aldaǵy ózgeristerge qatysty kezekti máseleler toptamasy qaralyp jatqanyn jazdyq.
