Elektrondy úkimet platformasyna jasandy ıntellekt tehnologııasy engiziledi
ASTANA. KAZINFORM – Elektrondy úkimet platformasyna jasandy ıntellekt tehnologııalary engiziledi. Bul týraly Úkimet otyrysynda Memleket basshysynyń Joldaýyn iske asyrý jónindegi jalpyulttyq is-sharalar josparynyń jobasyn tanystyrǵan Premer-Mınıstrdiń orynbasary – Ulttyq ekonomıka mınıstri Nurlan Baıbazarov aıtty.
«Sý qaýipsizdigin qamtamasyz etý bóliginde gıdrotehnıkalyq qurylystardy jóndeý men jańǵyrtýdy, sondaı-aq tasqyn sýlardy shoǵyrlandyrý jónindegi tehnologııalardy engizýdi qamtıtyn sý tasqynyn basqarýdyń ıntegratsııalanǵan júıesin ázirleý josparlanýda. Budan basqa, jeke ınvestıtsııalardy tartý úshin jańa tetikter men yntalandyrýlar engiziletin bolady. Kásiporyndarda sýdy únemdeý tehnologııalaryn paıdalanýdy qosymsha yntalandyrý úshin tıisti sharalar kesheni ázirlenedi», - dedi Nurlan Baıbazarov.
Onyń aıtýynsha, tsıfrlandyrý jelisi boıynsha tıisti zańnyń qabyldanýy esebinen jasandy ıntellektti engizý úshin quqyqtyq jaǵdaılar qamtamasyz etiledi.
«Tsıfrlyq aktıvter men maınıngti normatıvtik retteýdi jetildirý jónindegi jumys jalǵastyrylady. Elektrondy úkimet platformasyna jasandy ıntellekt tehnologııalary engiziledi. Aqparattyq-kommýnıkatsııalyq ınfraqurylymnyń kıberqaýipsizdik deńgeıin arttyrý maqsatynda tıisti zańnamalyq sharalar qabyldanady. Kelesi jyly Astanada Ulttyq jasandy ıntellekt ortalyǵyn ashý josparlanýda», - dedi mınıstr.
