Elektrondy saýda salasynda shaǵymdar sany kúrt ósip keledi

ASTANA. KAZINFORM — Elimizde elektrondy saýda salasynda shaǵymdar sany kúrt ósip keledi. Sondyqtan jańa zańda bul qatynasty retteıtin jańa normalar engiziledi. Bul týraly QR SIM Tutynýshylardyń quqyqtaryn qorǵaý komıtetiniń tóraǵasy Asqar Tynysbekov aıtty.

— Ekonomıka salalary boıynsha aıtatyn bolsaq, eń kóp shaǵym bólshek saýda (37,5%) jáne elektrondy saýda (23,2%) segmenti boıynsha kelip túsken. Aıta keter jaıt, elektrondy saýdada shaǵym sany 2022 jyldan 2024 jylǵa deıin 5,5 ese ósken. Aldaǵy ýaqytta da osy salanyń damýyna baılanysty shaǵymdar sany da ósedi dep boljap otyrmyz. Sol sebepti jańa zań jobasynda «Elektrondy saýda» degen jeke bólim bolady, — dedi ol OKQ alańynda.

Spıkerdiń aıtýynsha, shaǵym sany boıynsha kelesi oryndarda myna salalar tur: 

— turmystyq qyzmetter salasy — 8,8%;
— turǵyn úı-kommýnaldyq sharýashylyǵynda — 7,4%;
— baılanys qyzmetteri — 3,5% jáne t. b.

Zań jobasynda budan bólek te birqatar jańa normalar bar. 
Buǵan deıin elimizde tutynýshylar quqyǵyn qorǵaý ombýdsmeni ınstıtýty qurylatynyn jazdyq.

Sondaı-aq, tutynýshy endi shaǵymdanýdyń mindetti 4 satysynan ótpeı, birden sotqa aryzdana alady. 

Marketpleısterge de jaýapkershilik júkteletin bolady.