Elektrondy medıtsınalyq kitapsha qarjyny únemdeıdi – mınıstrlik

ASTANA. KAZINFORM – 2025 jyldan bastap medıtsınalyq kitapshany elektrondy formatqa aýystyrylady. Bul týraly Densaýlyq saqtaý mınıstriniń orynbasary Erbol Ospanov málim etti.

«Búginde 1,6 mln adamnyń jumys isteýge ruqsat berilgen jeke medıtsınalyq kitapshasy bar. Onyń ishinde qoǵamdyq tamaqtaný salasynda — 780 myń, bilim berý salasynda — 550 myń, densaýlyq saqtaý salasynda — 272 myń jáne jeke sektorda — 52 myńǵa jetti. Osylaısha ár azamat jeke medıtsınalyq kitapshasyn birneshe uıymda usyna alady, bul aqshany únemdeýge kómektesedi», - dedi Erbol Ospanov Ortalyq kommýnıkatsııalar qyzmeti alańynda ótken baspasóz máslıhatynda.

Vıtse-mınıstrdiń aıtýynsha, elektrondy medıtsınalyq kitapshanyń taǵy bir artyqshylyǵy qoldan jasaýǵa jol bermeıdi. Odan ári Erbol Ospanov dári-dármek máselesin kóterdi.

«Bıyl shilde aıynan beri elimizde 68 mln-nan astam dári-dármek qaptamasy tańbalandy. Onyń ishinde 39,3 mln qaptama ımportqa tıesili jáne 29,4 mln qaptama otandyq óndiris, jalpy aınalymda 28,5 mln preparat bar», - deıdi ol.

Eske sala ketsek, jeke medıtsınalyq kitapshany elektrondy formatqa aýystyrý týraly byltyr aıtylǵan edi.