Elektrondy qujatty qanaǵat tutpaı, anyqtama talap etetinderdi zańmen jazalaý kerek - mınıstr

Elimizde mektepter men jumys berýshiler azamattardan anyqtamany jıi zańsyz talap etedi. Bul týraly Úkimet otyrysynda Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy Kazinform.

«Biz Big Data múmkindikterin de qoldanyp jatyrmyz. Búgingi kúni 6,3 mln otbasynyń derekteri tsıfrlandy. Sol arqyly adamdar qaı qyzmetti eń kóp suraıtynyn bildik. Ol — áleýmettik mańyzdy 18 qyzmet, kópbalaly otbasyna, múgedektigi bar adamǵa, asyraýshysynan aıyrylǵandarǵa beriletin járdemaqy men tólemaqylar. Bul qyzmetter proaktıvti túrde kórsetiledi. Shamamen 800 myńdaı. Biraq, bir úlken problema bar, ol — bazadaǵy qateler», — dedi mınıstr.

Osy rette ol ár organǵa ózine júktelgen bazadaǵy derekterdi tekserip, qateni durystaýdy usyndy.

«Big Data-nyń taǵy bir múmkindigin aıtaıyn. Jyl saıyn bir jerden ekinshi jerge 50 mln anyqtama tapsyrý qajet bolady. Sony tsıfrlyq formatqa kóshirdik. ıAǵnı, onyń talap etilýin joıdyq. Biraq, anyqtamany negizsiz talap etý áli de oryn alyp otyr. Kóbine ony suraıtyndar — mektep pen jumys berýshiler. Kelesi jyly ókiletti eki mınıstrlikpen bul problemany tolyq sheshemiz. Anyqtamany zańsyz talap etkeni úshin ákimshilik jaýapkershilikti engizýdi suraımyz», — dedi Baǵdat Mýsın.