Elektrondy bilezikti úzgen qyzylordalyq jazasyn túrmede óteıdi

QYZYLORDA. KAZINFORM — Qyzylordada probatsııa esebindegi sottalǵan elektrondy baqylaý qurylǵysyn masań kúıde úzip tastaǵan. Bul týraly qylmystyq atqarý júıesi departamentiniń baspasóz qyzmeti habarlady. 

Ol qylmystyq kodekstiń 188-babynyń 3-bóligi 3-tarmaǵymen kináli dep tanylyp, 3 jyl 6 aı merzimge bas bostandyǵy shektelgen. Probatsııalyq baqylaýǵa alynyp, elektrondy bilezik taǵylǵan. Alaıda, sot júktegen mindetterdi oryndamaı, jaza óteý tártibin birneshe ret buzǵan. Probatsııa qyzmetkerleriniń tórt ret bergen eskertýin de elemegen.

— Sottalǵan turǵyn bas bostandyǵyn shekteý jazasyn óteý tártibin birneshe ret buzǵan. Munymen toqtamaı, masań kúıde elektrondy qurylǵysyn ózdiginen úzip tastaǵan. Aqyr sońynda is qujattary sotqa joldandy. Sot qaýlysymen jazasynyń ótelmegen 1 jyl 8 aıyn temir tordyń arǵy jaǵynda óteıtin boldy, — dedi Qyzylorda qalalyq probatsııa qyzmeti bastyǵynyń orynbasary, ádilet maıory Gúlnur Baısarıeva.

Jyl basynan beri jaza óteý tártibin birneshe ret buzǵan 18 sottalǵan qylmystyq atqarý júıesi mekemelerine jiberildi. 

Buǵan deıin habarlaǵanymyzdaı, búginde Qyzylorda oblystyq qylmystyq atqarý júıesi departamentine qarasty № 60 mekemede sot úkimi boıynsha bostandyǵynan aıyrylǵandardy 13 kásiporyn jumyspen qamtyp otyr.