Elektromobılder men gıbrıdter: elde qaı brendterge suranys artty
ASTANA. KAZINFORM — Qazaqstanda elektromobıldi satyp alý qarqyny artty. Bul týraly Qazaqstannyń avtokólik odaǵy (QAO) málim etti.
- 2026 jylǵy qańtar-tamyzda resmı dılerler NEV (New Energy Vehicles) segmentindegi 6 003 jeńil avtokólik satty. Bul byltyrǵy osy kezeńdegiden (1 953 kólik) 207,4 paıyzǵa artyq, - dep atalyp QAO málimetinde
Negizgi saýda kólemin qýattalatyn gıbrıdter (PHEV) men júris qýaty eselengen avtokólikter (EREV) quraǵan, ıaǵnı 4 351 avtokólik nemese jalpy NEV segmentiniń 72,5 paıyzy. Bul segmenttegi elektromobılder eseptik kezeńde tórt eseden asa ósim kórsetken (1 008-den 4 351-ge deıin). Tolyqtaı elektrli avtokólikterdiń (BEV) saýdasy 2025 jylǵy segiz aımen salystyrǵanda 74,8 paıyzǵa artty (945-ten 1 652-ge deıin).
- Segiz aıda Qazaqstanda NEV segmentindegi avtokólik saýdasy alty myńnan asty. Satyp alýshylar kóbine kúndelikti saparǵa jaraıtyn elektromobılderdi qaraıdy, biraq alys jolǵa shyqqanda kólik quralyn tıimdi paıdalaný jaǵyn da eskeredi. Sondyqtan kóbi qazir qýattalatyn gıbrıdter men júris qýaty ulǵaıǵan modelderge suranys artty, - dedi QAO prezıdenti Anar Maqasheva.
NEV naryǵynyń kóshbasshysy retinde BYD kólikteri alǵa shyqty. Segiz aıda dılerler brendtiń 3 208 avtokóligin satqan. 2026 jyldyń tamyzynda BYD alǵash ret eldegi eń kóp ótetin TOP-10 tizimine kirdi. Ekinshi oryndy Geely Galaxy – (1 244 kólik), úshinshi oryndy Li (888 kólik) aldy. Bestikke taǵy Zeekr (214 kólik) men ROX (131 kólik) endi.
Qazaqstanda suranysy artqan kólikter:
- Geely Galaxy EX5 EM-i - 1 205 avtokólik;
- BYD Song Plus DM-i - 1 196;
- BYD Song Plus EV – 576;
- BYD Chazor – 572;
- BYD Yuan Up - 555;
- Li L6 – 504;
- Li L7 – 257;
- BYD Sealion 7 – 137;
- ROX 01 – 131;
- Li L9 - 126 kólik.
- Sonymen qatar segiz aıda resmı dılerler klassıkalyq gıbrıdti (HEV) 1 284 avtokólik ótkizgen. Bir jyl buryn osyndaı 1 209 kólik satylǵan. Kóshbasshy – Toyota (1 208 kólik), odan keıin Lexus (63) pen Porsche (13) ornalasty, - delikgen QAO aqparatynda.
PHEV (Plug-in Hybrid Electric Vehicle) – benzın qozǵaltqyshy bar jáne batareıany stantsııadan qýattaý múmkindigi bar elektrli motorly gıbrıd avtokólik.
EREV (Electric Range Extended Vehicle) – dóńgelekti elektrli motor aınaldyrady, al benzındi qozǵaltqysh batareıany qýattaıtyn generator qyzmetin atqarady.
BEV (Battery Electric Vehicle) – tek akkýmýlıatorly batareıanyń energııasymen júretin kólik.
HEV (Hybrid Electric Vehicle) – ádettegi benzındi nemese dızeldi qozǵalqyshy men shaǵyn batareıaly elektrli motory biriktirilgen klassıkalyq gıbrıd avtokólik.
Elektromobılderdiń álemdegi úlesi artyp keledi
Bıylǵy 1 maýsymdaǵy jaǵdaı boıynsha Qazaqstanda 24 634 jeńil elektromobıl tirkelgen.
Eń kóp elektromobıl Almaty qalasynda tirkelgen. Osy qala úlesine eldegi barlyq elektromobılderdiń 62 paıyzy tıesili. Sany boıynsha kóshbasshy óńirler úshtigine sondaı-aq Astana qalasy men Almaty oblysy kirdi.
Halyqaralyq energetıka agenttiginiń (HEA) boljamynsha, álemdik elektromobılderdiń satylymy 2026 jyly qaıtadan ósip, 23 mln-ǵa jetedi jáne búkil álemde satylatyn barlyq kóliktiń shamamen 30%-y.
Álemdegi ımporttalǵan elektromobılderdiń jartysynan kóbi Qytaıdan keledi. Qytaı elektromobılder óndirisiniń álemdegi eń iri ortalyǵy bolyp qalyp otyr. Onyń úlesi – byltyr álem boıynsha óndirilgen 22 mln elektromobıldiń shamamen tórtten úsh bóligi. Óndiris ishki suranystan asyp túskendikten, Qytaıdyń elektromobılder eksporty eki ese artyp, rekordtyq kórsetkish — 2,5 mln-nan astam kólikke jetti. Qytaı, Eýropa jáne AQSh sııaqty úsh iri elektromobıl naryǵynan tys álemniń qalǵan bóliginde satylatyn elektromobılderdiń 55%-y Qytaıdan ımporttalyp otyr.
Eske salsaq, bıyl shilde aıynda Premer-mınıstr Oljas Bektenov Qazaqstanda BYD markaly elektromobıl óndirisin iske qosý jobasyn jedeldetýdi tapsyrdy.
Aıta keteıik, elde 1 jeltoqsannan bastap elektromobılderdi qýattaý stantsııalary mindetti tekserýden ótedi.
