«KEGOC» AQ jelileri boıynsha elektrmen jabdyqtaý tolyq qalpyna keltirildi – Energetıka mınıstrligi
ASTANA. KAZINFORM - QR Energetıka mınıstrligi elektr energııasymen baılanysty qalyptasqan jaǵdaıdy túsindirdi.
Mınıstrliktiń baspasóz qyzmetiniń habarlaýynsha, qazirgi ýaqytta «KEGOC» AQ jelileri boıynsha elektrmen jabdyqtaý tolyq kólemde qalpyna keltirildi.
Qazirgi ýaqytta óńirlik energııamen jabdyqtaýshy uıymdar jekelegen tutynýshylardy kezeń-kezeńimen qosý jumystaryn júrgizip jatyr. Jaqyn ýaqytta elektrmen jabdyqtaý tolyq kólemde qalpyna keltiriledi.
-Sonymen qatar, jekelegen pablıkterde Ózbekstandaǵy elektrmen jabdyqtaýdaǵy irkilister Qazaqstannyń energetıkalyq júıesindegi apat saldarynan oryn aldy degen aqparat tarap jatyr. Atalǵan aqparat shyndyqqa sáıkes kelmeıdi,-delingen habarlamada.
Jaǵdaı Qazaqstan Respýblıkasy Energetıka mınıstrliginiń baqylaýynda.
Aıta keteıik, osyǵan deıin Energetıka mınıstrligi Qazaqstannyń keı óńirlerindegi elektrdiń ajyratylýyna túsinikteme bergen bolatyn.
