Elektr jelilerine qosylý tártibi jeńildetildi
Atap aıtqanda, elimizde kásipkerlikti júrgizýdi túbegeıli jaqsartý boıynsha memlekettik saıasat aıasynda jáne «Doing Business» halyqaralyq reıtınginde Qazaqstannyń pozıtsııasyn jaqsartý úshin Elektr energetıkasy týraly, Sáýlet, qala qurylysy jáne qurylys qyzmeti týraly zańnamalaryna jáne Elektr energııasyn paıdalaný erejesine ózgerteýler engizildi.
Osy ózgeristerge sáıkes, elektrmen jabdyqtaýdyń jelilerine qosylý kezindegi 2 rásim qysqartyldy. Bul turǵyda memlekettik sáýlet-qurylys qadaǵalaý basqarmasynan qurylys-montajdaý jumystaryna ruqsat alý, sondaı-aq budan buryn memlekettik energetıkalyq qadaǵalaý jáne baqylaý organymen beriletin elektr jelilerine qosylýǵa ruqsat alý rásimderi joıyldy.
Sonymen qatar elektrmen jabdyqtaý júıesine qosylýǵa tehnıkalyq talaptardy berý, tutynýshylardyń elektr enegııasyn jiberetin uıymmen jobalyq sheshimderdi kelisý, elektrmen jabdyqtaýǵa kelisimdi bekitý merzimderi qysqardy.
«Júzege asyrylǵan sharalarǵa qaramastan, Energetıka mınıstrligi atalǵan jelilerge qosylý rásimen ońtaılandyrý úshin halyqaralyq tájirıbeni zerdeleý jumystaryn jalǵastyrady»,-deıdi vedomstvo ókilderi.
