Elektr jelilerinde tirek apattary jıilep ketti - mınıstr
Nurlan Noǵaev mundaı ótinishti áriptesterine Úkimet otyrysy kezinde aıtty.
«Bıyl 13 naýryzda muzdy jańbyr men ekpindi jeldiń kesirinen elektr symdary muzdanyp, «KEGOC» aktsıonerlik qoǵamyna tıesili elektr berý jelisiniń 243 tiregi jáne «Ońtústik Jaryq Tranzıt» JShS-ne tıesili elektr jelisiniń 5270 tiregi qulady. Sonyń saldarynan Túrkistan oblysynyń 83 eldi mekeni elektrsiz qaldy», - degen vedomstvo basshysy sońǵy jyldary elektr jelisiniń boıyndaǵy dińgekterden jıi aqaý shyǵa bastaǵanyn problema etip kóterdi.
«Sońǵy jyldary tabıǵat qubylystarynyń saldarynan Qazaqstannyń birtutas elektr energetıkalyq júıesiniń elektr jelileri jalǵanǵan temirbeton tirekterdiń búliný jaǵdaılary jıilep ketkenin atap ótkim keledi. Osyǵan baılanysty, elektr jelileriniń qolaısyz tabıǵı-klımattyq áserlerge senimdiligi men tózimdiligin arttyrý úshin Indýstrııa jáne ınfraqurylymdyq damý, Saýda jáne ıntegratsııa mınıstrlikterindegi áriptesterime elektr jelileriniń tirekteri men olardyń konstrýktsııalyq elementteriniń sapasyna qoıylatyn qoldanystaǵy standarttar men basqa da normalardyń talaptaryn qaıta qaraý týraly ótinish bildirgim keledi», - dedi ol.
