Elektr jelileri kompanııalary nysandardyń ınvestıtsııalyq tartymdylyǵyn arttyrý jónindegi jumysty jalǵastyrýlary qajet -Á. Isekeshev
ASTANA. Sáýirdiń 27-si. QazAqparat /Ernur Aqanbaı/ - Qazaqstandaǵy elektr jelileri kompanııalary nysandardyń ınvestıtsııalyq tartymdylyǵyn arttyrý jónindegi jumysty jalǵastyrýlary qajet. Búgin Astanada ótken energetıkalyq salany damytý perspektıvasyna arnalǵan keńeste vıtse-premer- ındýstrııa jáne jańa tehnologııalar mınıstri Áset Isekeshev osylaı málim etti,
dep habarlaıdy QazAqparat.
Á. Isekeshevtiń aıtýynsha, qazirgi ýaqytta oblystar boıynsha elektr jelileriniń 70 paıyzynyń jaǵdaıy qatty tozyǵy jetkendigimen sıpattalady. Aýyldaǵy elektr jelileriniń tozyǵy budan da joǵary. Sonymen bir mezgilde óńirlik elektr kompanııalary elektr jelilerin damytý jáne áleýmettik-mádenı jáne turǵyn úı-kommýnaldyq qurylystyń qaıtadan iske qosylǵan nysandaryn qosý jónindegi jumystaryn júrgize almaı otyr. Sebebi bulardyń tarıfterinde ınvestıtsııalyq quramdaýyshtar joq. «Tabıǵı monopolııalar jáne retteletin naryqtar týraly» zańǵa óńirlik elektr kompanııalarynyń tarıf túzýine qatysty ózgerister engizilip, qabyldanyp qoıdy. Jańashyldyqtar «bench-markıng» qaǵıdattaryna, ıaǵnı salystyrmaly taldaýlarǵa negizdelgen. Osy jańashyldyqtardy damytýda biz elektr jelilerindegi jáne elektr energııasynyń bólshek naryǵyndaǵy tarıfterdi túzý ádistemesin jetildirý jónindegi óz nusqalarymyzdy usynamyz. Bul máseleni mınıstrliktiń energetıkalyq qyzmetteri Tabıǵı monopolııalardy retteý agentigimen, óńirlik elektr kompanııalarymen, energııamen qamtamasyz etetin uıymdarmen jáne Qazaqstannyń elektr energetıkasy qaýymdastyǵymen birlesip pysyqtaýy tıis. Jáne talqylaýlardy nátıjesiniń negizinde naqty usynystar jasalatyn bolsyn», dede vıtse-premer.
