Elektr ushaq jyldam ushýdan rekord ornatty
NUR-SULTAN. QazAqparat – Brıtandyq Rolls-Royce ındýstrııaldyq kompanııasy (avıatsııa qozǵaltqyshtary jáne qymbat avtokólikterimen tanymal) Spirit of Innovation elektr ushaǵy óziniń sanatynda álemdik jyldamdyq rekordyn jasaǵanyn málim etti, dep habarlaıdy QazAqparat BBC-ge silteme jasap.
Kompanııanyń málemdemesinde ushaqty synaý kezinde 623 km/saǵ jyldamdyq kórsetti delingen.
Dúnıejúzilik áýe sporty federatsııasy ázirge rekordty rastamady, rastalǵan jaǵdaıda, bul elektr ushaǵy kórsetken eń joǵary jyldamdyq bolmaq. Jańa ushaq 16 qarasha kúni Ýıltshır graftyǵyndaǵy Boskoým-Daýn áýe bazasynda synaqtan ótken.
Shtýrvalda ushqysh Fıl O'Dell otyrdy, ol buny óziniń mansabyndaǵy aıtýly oqıǵa dep atady.
Rolls-Royce kompanııasy ushaq 2017 jyly Siemens nemis elektroplany ornatqan 213 km/saǵ jyldamdyqty basyp ozǵanyna senimdi. Ushaqqa 400 kılovatt kúshi bar elektr qozǵalqyshy ornatylǵan, bul 535 attyń kúshin beredi. Onda syıymdylyǵy joǵary akkýmlıator ornatylǵan, bir ýaqytta 7 500 smartfondy qýattaýǵa kúshi jetedi.
