Elektr, sý, jylý tarıfteri 3-4 myń teńgege ulǵaıady – mınıstr
Mınıstrdiń aıtýynsha, búkil ınjenerlik ınfraqurylymnyń tozý deńgeıi qyzyl aımaq; sary aımaq; jasyl aımaq bolyp úsh táýekeldik topqa bólingen. Osylaısha, jylýmen jabdyqtaýda jelilerdiń tozý deńgeıi joǵary qyzyl aımaqtaǵy kásiporyndar úshin ınvestıtsııalardy tartý basym tártippen júrgiziledi.
Jylýmen jabdyqtaý salasynda 27 kásiporyn boıynsha tozý deńgeıi 65%-ten asady, onyń ishinde 24 kásiporyn úshin ınvestıtsııalyq baǵdarlamalar bekitildi. Atalǵan salaǵa bıyl 112 mlrd teńge ınvestıtsııalaý josparda bar.
«Bıyl kútiletin nátıje retinde jelilerdiń tozýy 58%-ten 55%-ke deıin tómendep, 2024 jyly qyzyl aımaqtan 6 kásiporyn shyǵady dep kózdelýde. 2 bólmeli páter úshin jylý boıynsha ortasha esep 1620 teńgege nemese 20%-ǵa artady», - dedi Ekonomıka mınıstri Úkimettiń búgingi otyrysynda.
Elektrmen jabdyqtaý salasynda 19 kásiporyn boıynsha tozý deńgeıi 70%-ten asady, onyń ishinde 16 kásiporyn úshin ınvestıtsııalyq baǵdarlamalar bekitildi.
Atalǵan salaǵa bıyl 92 mlrd teńge ınvestıtsııalaý josparda bar, kútiletin nátıje retinde jelilerdiń tozýy 64%-ten 62%-ke deıin tómendeıdi. Ortasha kvıtantsııa 660 teńgege nemese 20%-ke ulǵaıady.
Sýmen jabdyqtaý salasynda 15 kásiporyn boıynsha tozý deńgeıi 70%-ten asady, onyń ishinde ınvestıtsııalyq baǵdarlamalar 13 kásiporyn úshin bekitilgen. Atalǵan salaǵa osy jyly 29,5 mlrd teńge ınvestıtsııalanady.
Bıyl kútiletin nátıje retinde jelilerdiń tozýy 63%-ten 58%-ke deıin tómendep, 2024 jyly qyzyl aımaqtan 8 kásiporyn shyǵady dep josparlanýda. Ortasha páter kvıtantsııasy 200 teńgege nemese 25%-ke ulǵaıady.
Sý burý salasynda 26 kásiporyn boıynsha tozý deńgeıi 70%-ten asady, onyń ishinde 23 kásiporyn úshin ınvestıtsııalyq baǵdarlamalar bekitildi. Bul salada 2023 jyly 15,3 mlrd teńge ınvestıtsııalanady.
«Kútiletin nátıje retinde jelilerdiń tozýy 74%-ten 71%-ke deıin tómendep, 2024 jyly qyzyl aımaqtan 3 kásiporyn shyǵady dep josparlanýda. 2 bólmeli páter úshin ortasha esep 220 teńgege nemese 30%-ke ulǵaıady. Osylaısha, barlyq kommýnaldyq qyzmetter boıynsha ortasha eseptiń ulǵaıy shamamen 3-4 myń teńgeni quraıdy», - dep túsindirdi Á. Qýantyrov.
Bul rette tarıfterdiń ósýi az qamtylǵan otbasylardyń tabysyna áser etpeıdi. Jergilikti bıýdjet esebinen az qamtylǵan otbasylarǵa kommýnaldyq qyzmetterge aqy tóleý úshin turǵyn úı kómegi berilýde. Ol kommýnaldyq qyzmetterge jumsalatyn shyǵystar otbasynyń aı saıynǵy ortasha jıyntyq tabysynyń 10%-nen asyp ketken jaǵdaıda tólenedi.
Buǵan deıin Álibek Qýantyrov «Tarıfti ınvestıtsııalarǵa aıyrbastaý» baǵdarlamasy qalaı júrgiziletinin túsindirgen edi.
