Elektr stansalary men elektr jelileriniń 70% jańǵyrtý qajet – mınıstrlik
ASTANA. KAZINFORM – Qazaqstanda elektr stansalary men elektr jelileri jabdyǵynyń 70%-ǵa jýyǵy jańǵyrtýdy qajet etedi.
- Elektr energetıka salasynyń ornyqty damýy, energetıkalyq qaýipsizdikti arttyrý jáne elimizdiń Ortalyq Azııa óńirindegi ustanymyn nyǵaıtý úshin mańyzdy. Búginde JІÓ-niń 8%-dan astamyn quraıdy jáne ótken jyly elektr energııasyn óndirý kólemi 110 mlrd kVt-tan asty. Sonymen qatar, elektr stansalary men elektr jelileri jabdyǵynyń 70%-ǵa jýyǵy jańǵyrtýdy talap etedi, - dedi Energetıka vıtse-mınıstri Baqytjan Іlııas elordada «Elektr energetıka salasyndaǵy otandyq taýar óndirýshilerdi memlekettik qoldaý sharalary» atty taqyrypta ótken dóńgelek ústelde.
Vıtse-mınıstrdiń aıtýynsha, tozyǵy jetken elektr jelilerin jańǵyrtý otandyq taýar óndirýshiler úshin múmkindik.
Odan ári ol Úkimettiń osy baǵyttaǵy qolǵa alǵan sharalarǵa toqtaldy.
- Otandyq elektr energetıkasy salasyndaǵy negizgi quraldardyń biri energetıka jáne turǵyn úı-kommýnaldyq sharýashylyq salasyndaǵy jańǵyrtý boıynsha ázirlenip jatqan ulttyq jobany aıtýǵa bolady. Bul joba energetıkalyq ınfraqurylymdy jańartýǵa, energııa tıimdiligin arttyrýǵa jáne zamanaýı tehnologııalardy engizýge baǵyttalǵan. Otandyq taýar óndirýshilerdiń osy ulttyq jobany iske asyrýǵa qatysýyna erekshe nazar aýdarylady. Qazaqstandyq kompanııalardyń elektr jabdyǵyn negizgi jetkizýshisi bolýy mańyzdy, osyǵan baılanysty Úkimet jergilikti óndiristiń jabdyǵyn satyp alý boıynsha uzaq merzimdi kelisimsharttar jasasýdy qosa alǵanda, memlekettik qoldaý sharalaryn engizýdi jalǵastyrýda. Mysaly, bıyl 9 aıdyń ishinde sýbektilermen «Taýar-jumys-qyzmet» kólemi 21,2 trln teńgeni quraıdy, onyń ishinde 11 mlrd teńge jergilikti sýbektiler esebinen, ıaǵnı 51,8%, - deıdi ol.
Bıyl energetıka jáne kommýnaldyq sektorlarǵa qatysty ulttyq joba qabyldanady