Elektr samokattardyń jyldamdyǵyna qatysty tártip qaıta qaralýy múmkin
ASTANA. KAZINFORM — Samokattardyń júrý jyldamdyǵy máselesin qaıta qaraý kerek. Bul týraly Parlament Májilisi janyndaǵy Qoǵamdyq palata otyrysynda QR Іshki ister mınıstriniń orynbasary Igor Lepeha málim etti.
- Buǵan deıin depýtattar ákimderge erejeni ázirleýge ókilettik berýdi usynǵan edi. Mysaly, jeksenbi kúni saıabaqta samoktpen júrýge tyıym sala alatyndaı quzyret berý usynysy talqylanǵan edi. Sondaı-aq qandaı da bir ýaqyt aralyǵynda kólik kóp júretin dańǵyl jolda olardyń qozǵalysyn shekteý týraly usynys boldy. Nege ekenin túsinbeımin, biraq depýtattar bul normany qoldamady. Bul normalar da úlken jaýapkershilik bolar edi, - dedi I. Lepeha «Quqyq buzýshylyqtyń profılaktıkasy týraly» zań jobasyn talqylaý kezinde.
Budan bólek ol samokattarǵa trotýarda júrýine tyıym salý týraly usynysy bolǵanyn eske saldy.
- Al osyny Parlamentte talqylaý kezinde, samokattarlyń trotýarda júrýine ruqsat berý týraly ýáj aıtyldy. Osy oraıda olar agregatorlar arqyly retteletinin, samokattar saǵatyna 6 km jyldamdyqty asyrmaıtynyn dáleldegen edi. Bul rette, agregatorlar da olardyń jyldamdyǵyn báseńdetýge bolatynyn, ıaǵnı jýapkershilikti ózderine alatynyn aıtyp ýáde berdi. Іs júzinde eshkim jyldamdyqty baıaýlatpady. Nelikten bizde agregatorlarda jaýapkershilik joq? Sondyqtan bul máseleni qaıta qaraý kerek, - dedi mınıstrdiń orynbasary.
Eske salsaq, 2023 jyly tamyz aıynda jol erejesin buzǵan samokatshylarǵa aıyppul salý kúshine endi.
Atap aıtqanda, zańmen engizilgen sharttar men tyıymdardy saqtaı otyryp, joldyń júris bóliginiń oń jaq sheti boıynsha elektr samokattardyń júrýine ruqsat etiledi.
Bul turǵyda júrgizýshiniń 18 jasqa tolýy, kez kelgen sanattaǵy kólik quralyn basqarý quqyǵyna júrgizýshi kýáligi men shlemniń bolýy, al táýliktiń qarańǵy ýaqytynda qozǵalý kezinde basqa kólik quraldarynyń júrgizýshilerine kórinýi úshin tıisti jaryq túsiretin belgilerdi taǵý eskerilgen. Elektr samokatyna trotýar nemese jaıaý júrginshiler jolymen saǵatyna 6 km-den aspaıtyn jyldamdyqpen júrýine ruqsat etildi. Shaǵyn elektr kólik quraldary men elektr samokattary júrgizýshileriniń quqyqtary men mindetteri belgilendi. Sonymen qatar, moped, velosıped, shaǵyn elektr kólik quraldary men elektr samokattary júrgizýshilerine qatysty shekteýler naqtylandy.