Elektr samokat tepken oqýshylar úshin ata-analary jaýap beredi

ALMATY. QazAqparat- Almatyda elektr samokattardy jalǵa beretin kompanııalardyń ókilderi mektepterdegi ata-analar jınalystaryna qatysty. Olar ata-analarǵa elektrsamokattardy paıdalaný erejelerin túsindirdi, dep habarlaıdy QazAqparat tilshisi.

Kıksherıng kompanııalarynyń málimetine sáıkes, elektr samokatty jalǵa alýǵa18 jasqa deıin shekteý qoıylǵanymen, oqýshylardyń jaldamaly samokatpen júrgenderin jıi kórýge bolady.

«Kıksherıng qosymshasynda tirkelý úshin bank kartalarynyń derekteri qajet, al balalardyń kartalary avtomatty túrde qabyldanbaıdy. Sondyqtan, balalar ata-analarynyń nemese týystarynyń bank kartalaryn paıdalanady, sóıtip, elektr skýterlerin jalǵa alýǵa qoljetkizedi»,- dep habalady Almaty qalasynyń qalalyq mobıldilik basqarmasynan.

Kompanııa ókilderi, kámeletke tolmaǵan tulǵalar mingen elektrsamokat jol-kólik apatyna ushyrasa, onda zań boıynsha ata-ana jaýapqa tartylatynyn atap ótti.

«Joldardaǵy qaýipsizdikti qamtamasyz etý maqsatynda ata-analarǵa qosymshalarda tirkelý úshin bank kartalarynyń derekterin berý jáne kámeletke tolmaǵan balalardyń elektr skýterlerde júrýine jol berilmeýi tıis»,- dep eskerti basqarmadan.

Buǵan deıin QR Іshki ister mınıstri Marat Ahmetjanov elektr samokatpen jolda júrý tártibine qatysty túsinik bergen bolatyn.