Elektr qýatyn taratatyn uıymdardyń sany qysqarady - Qanat Bozymbaev
QR Energetıka mınıstri Qanat Bozymbaevtyń aıtýynsha, elimizdiń barlyq óńirinde energııa berýshi uıymdardy irilendirý jumystary jalǵasýda. Sońǵy eki jylda olardyń sany 162-den 152-ge qysqarǵan.
«Sonyń ishinde 5 memlekettik kásiporyn joıyldy. Jalpy uzyndyǵy 2 350 shaqyrym ıesiz jeliler 1 336 shaqyrymǵa azaıdy. Nátıjesinde 2023 jylǵa qaraı energııa berýshi uıymdardyń sany 110-ǵa qysqarady jáne osy jyly ıesiz jeliler men kommýnaldyq elektr berýshi uıymdar tolyǵymen joıylatyn bolady», - dedi Q.Bozymbaev búgin azamattyq qoǵam ókilderimen bolǵan kezdesýde.
Aıta keteıik, búgingi sharada mınıstr Eýrazııalyq ekonomıkalyq odaǵynda ortaq energetıkalyq naryqty qurýǵa arnalǵan xattamanyń rásimdeletinin málimdedi. Atalǵan shara EAEO týraly kelisimsharttyń bes jyldyǵyna oraı uıymdastyrylady. Budan bólek, mınıstr «Saryarqa» qubyrymen keletin gazdy úıge deıin jetkizý sharalary týraly aıtyp berdi.
