Elektr kabelin urlaǵan kúdikti top ustaldy
ASTANA. QazAqparat - Keshe, 30 qazanda «Esil» aýdany ІІB qyzmetkerleri jedel-izdestirý is-sharalary barysynda Orynbor kóshesi boıyndaǵy qurylys obektisinen somasy shamamen 1,5 mln teńge quraıtyn uzyndyǵy 500 metrden astam elektr kúsh beretin kabelin urlaǵan kúdiktilerdi ustap, Astana qalasy ІІD-niń ýaqytsha ustaý oqshaýlaǵyshyna qamady.
Qaskúnemder atalǵan qurylys nysanynyń jumysshylarymen aldyn ala kelisip, elektr kabelin qurylys aýmaǵynan jalǵa alǵan «Gazel» avtomashınasymen shyǵaryp, alyp ketken.
Jedel-izdestirý áreketteri barysynda polıtseıler kabeldi qala aýmaǵyndaǵy metall qabyldaý pýnktinen tárkilegen.
QR QK 188-baby (urlyq) boıynsha tergep-tekseris júrgizilýde. Ustalǵan eki adamnyń osyǵan uqsas basqa da qylmystarǵa qatystylyǵy tekserilýde, dep habarlaıdy Astana qalasy ІІD baspasóz qyzmeti.
