Elektr et týraǵyshy sábıdiń saýsaqtaryn julyp ketti
BІShKEK. QazAqparat - Bishkekte elektr et týraǵyshynyń ishine qolyn salyp jibergen 5 jasar qyz balaǵa biregeı ota jasaldy. Bul týraly «Kabar» agenttigine mıkrohırýrgııa jáne qol býyny hırýrgııasynyń plastıkalyq qalpyna keltirý bóliminiń meńgerýshisi Kerim Beermanov habarlaǵan.
Dárigerdiń aıtýynsha, sábıdi aýrýhanaǵa jedel járdem qyzmeti jetkizgen. Anasynyń sózine qaraǵanda, oqys oqıǵa abaısyzda bolǵan. Bala et tartqyshtyń ishine qolyn salyp jibergen.
«Biz et tartqyshty kesip bólshektemek boldyq, alaıda balany kúıik shalyp, qolynyń býynyn odan saıyn jaralaıdy dep qoryqtyq, sondyqtan mehanızmdi qolmen bólshektep alýǵa týra keldi. Aqyry bárin alyp shyǵyp, kesilgen qol býyny men saýsaqtaryn jınap aldyq», - dep baıandady dáriger.
Ol sondaı-aq patsıenttiń qazirgi kezde baqylaýda jatqanyn qosyp ótti. Qan aınalymyn jaqsartý úshin, barokamera iske qosyldy, sábı em qabyldap jatyr. Qazirgi kezde jaǵdaıy jaqsy.
Biregeı otany hırýrg Akbar Joroev pen onyń brıgadasy jasady.
