Elektr enerııasyna eń joǵary tarıf Almatyda - M. Ospanov

ASTANA. 14 qańtar. QazAqparat - Búgin Astanada QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Tabıǵı monopolııalardy retteý agenttiginiń tóraǵasy Murat Ospanov kommýnaldyq qyzmeti boıynsha eń joǵary elimizdiń óńirlerin atap berdi.

«Sýmen qamtamasyz etý men káriz boıynsha eń joǵary tarıfter Aqtaý halqyna tıesili. Qosymsha qun salyǵynsyz eseptegende bir adamǵa 166,40 teńgeden keledi. Aqtaýda aýyzsýdyń kózi retinde teńiz sýy qarastyrylady. Bul sýdy óńdeýge kásiporyn eleýli kólemde shyǵyn jumsaıdy», - dep túsindirdi ol.

Onyń sózine qaraǵanda, elektr energııasy boıynsha qańtarda eń joǵary baǵa Almatyda qalyptasyp, onda qosymsha qun salyǵynsyz 1 kıllovatt/saǵatqa 13,56 teńgeni qurady. Al elektr energııasyna eń tómengi tarıf Mańǵystaý oblysyna tıesili (4,05 teńge).

Sonymen qatar jylýmen qamtamasyz etý máselesine toqtalǵan M. Ospanov, eń joǵary ortasha tarıf Almaty halqy úshin bolyp otyrǵandyǵyn, ıaǵnı bul qosymsha qun salyǵynsyz 4 249 teńge ekenin jetkizdi. «Eń tómengi tarıf Pavlodar oblysyna tıesili. Atap aıtqanda, bul kórsetkish 1 Gkal/m úshin 1 584 teńge kóleminde»,-dep túıdi ol.