Elektr energııasyna tómendetilgen jańa shekti tarıf bekitiledi
«Memleket basshysynyń tapsyrmasyna sáıkes elektr energııasynyń shekti tarıfteriniń obektıvti deńgeıin belgileıtin jumystar aıaqtalýda. Ótken aptada aldyn ala nátıjeler Prezıdent Ákimshiligi, Bas prokýratýra, memlekettik organdar men Ulttyq kásipkerler palatasy ókilderimen qurylǵan jumys tobynda bul másele qarastyryldy», - dedi ol.
Mınıstrdiń aıtýynsha, onda elektr energııasyna shekti tarıfterdiń usynylǵan deńgeıi talqylandy. Elektr energııasy baǵasynyń ortasha ólshem deńgeıin qazirgi shekti tarıften tómendetý tásili qoldaý tapty.
«Budan basqa, túpki tutynýshylarǵa elektr energııasy baǵasyn tómendetý maqsatynda qýatqa shekti tarıf mólsheri 1 megaVatt úshin 590 myń teńge bekitiletin bolady. Nátıjesinde ulttyq kásipkerler palatasynyń resmı ustanymy alynyp, búgingi kúnniń sońyna deıin tıisti buıryq jobasyn Ádilet mınıstriligine engizý josparlandy. Osy aptanyń aıaǵyna deıin qýatqa jańa tómendeltilgen shekti tarıftiń deńgeıin bekitýdi josparǵa alyndy», - dedi ol.
Qanat Bozymbaevtyń aıtýynsha, bul jeltoqsan aıynyń 1-inde ortalyqtandyrylǵan saýdany ótkizýge múmkindik berip otyr.
«Saýdanyń nátıjesi boıynsha energııa óndirýshilerdiń elektr energııaǵa arnalǵan shekti tarıfter bekitiledi. Sonymen qatar, energetıkalyq kásiporyndardyń ótinishterine baılanysty, birinshi - kem degende elektr stantsııalary úshin búgingi kómir baǵasyn saqtaý jáne deldaldyq júıesin joıý, kómir baǵasyn tómendetý, ekinshi - 2019 jyly birinshi qańtardan bastap, energııa berýshi jáne energııa jabdyqtaýshylardyń tarıfterin qazirgi deńgeıden tómendetý qajet», -dedi Qanat Bozymbaev.
