Elektr energııasyna qaryz soltústikqazaqstandyqtar páterlerinen aıyrylady
PETROPAVL. QazAqparat - Jyldyń basynan beri «Sevkazenergosbyt» JShS sot organdaryna 1983 talap aryz joldady, dep habarlaıdy «QazAqparat» HAA tilshisi «SEVKAZENERGO» AQ baspasóz qyzmetine silteme jasap.
Osy boıynsha sottyń sheshimi shyqqanǵa deıin energııany tutynǵan qaryzdaryn 472 debıtor tóledi, tólemegen 529 abonent sottyń sheshimimen 85,2 mln teńge qaryzyn qaıtardy. Qazir somasy 74,6 mln teńgeni quraıtyn 982 aryz qaralyp jatyr.
Energııamen jabdyqtaý uıymynyń baspasóz qyzmeti habarlaǵandaı, sot debıttik qaryzdy óteý týraly sheshim shyǵarǵannan keıin tólemeıtindermen jeke sot oryndaýshylary aınalysatyn bolady.
Sońǵy eki jylda olarǵa 141,3 mln teńgeni quraıtyn 2262 atqarý paraǵy berilgen. Jeke sot oryndaýshylary 1101 paraǵy boıynsha 89,2 mln teńgeni óndirip berdi.
«Jeke sot oryndaýshylary atqarý óndirisi aıasynda májbúrli sharalardy qoldanýda. Olar qaryz bolǵan azamattardyń jyljymaıtyn múlikterin, páterlerin alý arqyly qaryzdy óndirýde. 2016 jyly sot eki páterdi, 2017 jyldyń basynan beri - on bir debıtordyń páterin óndirip alýdy qanaǵattandyrdy», - dedi «Sevkazenergosbyt» JShS bas dırektorynyń mindetin atqarýshy Maǵaýııa Saǵyndyqov.
