Elektr energııasyn taratatyn sýbektiler naryqtaǵy ústem jaǵdaıdy teris paıdalanyp otyr
ASTANA. 1 tamyz. QazAqparat - QR Básekelestikti qorǵaý agenttiginde Ádistemelik keńestiń kezekti otyrysy bolyp ótti.
Keńeste naryq sýbektilerine qatysty tergeý nátıjeleri qaralyp, ústemdik jaǵdaıdy teris paıdalanýdyń birqatar faktileri anyqtaldy.
Atap aıtqanda, «Sevkazenergosbyt» JShS men «Jezkazganenergosbyt» JShS-ǵa qatysty tergeý nátıjeleri qaraldy. Elektr energııasyn bólshek saýdada ótkizý qyzmetin kórsetetin «Sevkazenergosbyt» jeke tulǵany elektrmen jabdyqtaý shartyn jasasý barysynda zańda kózdelmegen qujatty talap etken. 2013 jylǵy 18 naýryzdaǵy Úkimet qaýlysyna sáıkes, elektrmen jabdyqtaýdyń úlgi shartynyń nysany bekitilip, soǵan sáıkes eger tutynýshy turmystyq tutyný úshin energııany paıdalanatyn jeke tulǵa bolǵan jaǵdaıda shart tutynýshyny belgilengen tártipte qosylǵan jelige alǵashqy naqty qosqan kezden bastap jasasqan bolyp sanalady. Osyǵan oraı, seriktestiktiń elektrmen jabdyqtaý shartyn jasasý úshin zańda kózdelmegen qujatty talap etý faktisi tutynýshylardyń zańdy quqyqtaryna qysym jasaýdan kórinetin ústem jaǵdaıdy teris paıdalaný retinde qarastyrylady. Al «Jezkazganenergosbyt» seriktestiginiń áreketterinde júrgizilgen tergeý nátıjesi boıynsha ártúrli sharttarǵa ártúrli baǵa qoldaný faktileri anyqtaldy.
Seriktestik zańdy tulǵalarǵa elektr energııasyn ótkizý baǵasyn qosymsha qun salyǵynsyz 16,19 teńge/kVtch kóleminde elektr energııasyn ótkizý baǵasyn keliskeni áshkerelendi. ıAǵnı, keıbir kásiporyndarǵa elektr energııasyn belgilengennen tómen baǵa boıynsha bosatqan. Ártúrli baǵa qoldaný boıynsha Seriktestiktiń bul áreketi ústem jaǵdaıdy teris paıdalaný bolyp qarastyrylady. Básekelestikti shekteýge nemese joıýǵa, sondaı-aq tutynýshylardyń zańdy quqyqtaryna qysym jasaýǵa ákeletin aktilerdi qabyldaýdan kórinetin básekelestikke qarsy is-áreketterge baılanysty Qaraǵandy oblysy boıynsha tergeýdi bastaý týraly sheshim qabyldandy.
«Qaralǵan tulǵalarǵa qatysty júrgizilgen tergeý nátıjeleri boıynsha monopolııaǵa qarsy den qoıýdyń tıisti sharalary qabyldanatyn bolady», delingen baspasóz baıanynda.
