Elektr energııasyn biryńǵaı satyp alýshyny engizý tarıftiń kóterilýine sebep bolmaıdy - S.Esimhanov

ASTANA.QazAqparat - Elektr energııasyn biryńǵaı satyp alýshyny engizý tarıftiń kóterilýine sebep bolmaıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Energetıka mınıstrligi Atom jáne energetıkalyq qadaǵalaý komıtetiniń tóraǵasy Suńǵat Esimhanov málim etti.

«Zańnamalyq turǵyda ol 2016 jyldan engiziledi. Sondyqtan da qaýymdastyqtyń ustanymy tarıfterdiń kóterilýine ákeledi degen aqparat birshama durys emes. Biz muny barlyq deńgeıde talqyladyq. Sondyqtan da, bul tarıftiń kóterilýin ákeledi deýge bolmady. Óıtkeni, zańnamaǵa sáıkes shekti tarıfter belgilenetin bolady jáne kerisinshe saýda-sattyqty tómendetedi»,- dep túsindirdi ol. Onyń aıtýynsha, qazirgi ýaqytta respýblıkalyq energııa júıesi aıtarlyqtaı jańartylǵan jáne elektr stansalarynyń qýaty shamamen 17 myńMVt-ty quraıdy. Al elimiz onyń 13,5-14 myń MVt-yn ǵana paıdalanady. Energııanyń profıtsıti bolǵan kezde tarıfterdiń kóterilýi múmkin emes. Óıtkeni, profıtsıt básekelestikti yntalandyryp, tarıftiń turaqtalýyna septigin tıgizedi.