Elektr energııasy naryǵynda kóleńkeli maınerler qalǵan joq – Energetıka mınıstri

ASTANA. QazAqparat – Energetıka mınıstri Almasadam Sátqalıev Astana halyqaralyq forýmynyń kýlýarynda kóleńkeli maınerlerdiń jumysy qalaı rettelip jatqanyn túsindirdi, dep habarlaıdy QazAqparat tilshisi.

«Memlekettik energetıkalyq qadaǵalaý organdary elektr jelileriniń ulttyq operatorynyń kúshimen, zańsyz maınerlerdi anyqtaý jónindegi kúsh qurylymdaryn tarta otyryp aıtarlyqtaı jumys júrgizdi.

Maǵan belgili málimet boıynsha, zańsyz maınerlerdiń kóbi jeliden ajyratyldy. Tıisti qaýysmdastyqtarda tıisti protsedýralardy saqtap tirkelgen jáne tolyqqandy esep berip otyratyn, ashyq jumys isteıtin maınerler ǵana qaldy. Olardyń qyzmeti Tsıfrlyq damý, ınnovatsııalar jáne aeroǵarysh ónerkásibi mınıstrligi retteıdi. Olar óz qyzmetin túnde, elektr energııasyn tutyný kórsetkishi tómendegen kezde júrgizedi», - dedi vedomstvo basshysy.

Sondaı-aq, ol kóleńkeli maınerlerdiń elektr tutynýdaǵy úlesin atady.

«Qazir kóleńkeli maınerler qalǵan joq. Olardyń tutynýy eń kóp degende 400 megavatt bolǵan, qazir bul kólem áldeqaıda az», - dedi Almasadam Sátqalıev.