Elektr energııasy men sý, jylý júıelerin jańartý jaqsy nátıje bere bastady - Almaty qalasy ákiminiń orynbasary
ALMATY. Mamyrdyń 31-i. QazAqparat /Erbol Azanbek/ - Almatyda sońǵy 3 jylda júrgizilgen elektr energııasy men sý, jylý júıelerin damytý baǵytyndaǵy ózgerister jaqsy nátıje bere bastady. Bul týraly búgin Almatyda ótken baspasóz máslıhatynda qala ákiminiń orynbasary Erbol Shormanov aıtty,
dep habarlaıdy QazAqparat.
Qala ákimi orynbasarynyń aıtýynsha, jańa ózgerister ótken jyly elektr energııasyn 5, sýdy 28, jylýdy 12 paıyzǵa únemdeýge múmkindik bergen. Bunymen qatar atalǵan salalarda apattyq jaǵdaılar azaıyp, «Almaty sý» kompanııasynyń qarjylyq áleýeti ulǵaıǵan. Qazirgi ýaqytta kompanııanyń sý qubyrlaryn jóndeýge óz qarjysynan 3 mıllıard teńge salýǵa múmkindigi bar. Esterińizge sala keteıik, Almatyda elektr energııasy men sý boıynsha saralanǵan tarıf engizilip, esepteýge arnaıy quraldar ornatý, jylý men sý qubyrlaryn jańartý syndy ózgerister júzege asyrylýda.
