Elektr energetıkasy nysandarynyń jumysyn memlekettik baqylaýdy jetildirýge baǵyttalǵan zań jobasy maquldandy
ASTANA. QazAqparat - Búgin QR Parlamenti Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine elektr energetıkasy nysandarynyń jumysyn baqylaýdy jáne qadaǵalaýdy uıymdastyrý máseleleri boıynsha ózgerister men tolyqtyrýlar engizý týraly» QR Zańynyń jobasy birinshi oqylymda maquldandy.
Atalǵan zań jobasyn tanystyrǵan QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshevtiń atap ótýinshe, qujat elektr energetıkasy nysandarynyń jumysyn memlekettik baqylaý men qadaǵalaýdy jetildirýge, elektr energetıkasy nysandarynyń energetıkalyq jabdyǵynyń jaı-kúıin jaqsartýǵa, energııa óndiretin jáne ony beretin uıymdardyń kúzgi-qysqy kezeńdegi jumysy, elektr men jylý energııasyn tutynýshylardyń keń tobynyń quqyqtaryn qorǵaý úshin jaýaptylyǵyn arttyrýǵa, energetıka kásiporyndary kórsetetin qyzmetterdiń sapasyn qamtamasyz etýge baǵyttalǵan.
Buǵan qosa Zań jobasynda Qazaqstan Respýblıkasynyń Biryńǵaı elektr energetıkasy júıesinde elektr energııasyna tapshylyq ne profıtsıt bolǵan jaǵdaıda elektr energııasynyń eksporty men ımporty salasynda shekteý sharalary engiziledi.
«Elektr jelilerine qosylýǵa ruqsat alýda tutynýshylardyń elektr qurylymdaryn 100-den 200 kıllovatqa deıin ózgertý qarastyryldy. Osylaısha, shaǵyn jáne orta bıznestiń basym bóligi elektr jelilerine memlekettik organdardyń ruqsatynsyz qosyla alatyn bolady», - dedi Á.Isekeshev.
