Elektr energetıkasy salasynda otandyq taýar óndirýshilerdiń úlesi nege az

ASTANA. KAZINFORM – Byltyr elektr energetıkasy obektilerin jabdyqpen qamtýdaǵy otandyq óndirýshilerdiń úlesi 13 paıyzdan aspaǵan. Tolyǵyraq Energetıka vıtse-mınıstri Baqytjan Іlııas aıtyp berdi.

- Bıyl 11 aıda otandyq taýar óndirýshilermen jasalǵan uzaq merzimdi sharttardyń somasy 34% - ǵa ósip, 372 mlrd teńgege jetti. Alaıda, elektr energetıkasyndaǵy qazaqstandyq taýar óndirýshilerdiń qamtý úlesi qýantarlyq emes. Ótken jyldyń qorytyndysy boıynsha elektr energetıkasy obektilerine jabdyq satyp alýdaǵy otandyq óndirýshilerdiń qnimi 13%-dan aspady. Osyǵan baılanysty bizdiń mınıstrlik barlyq múddeli memlekettik organdardyń, sýbektiler men óndirýshilerdiń qatysýymen akseleratsııalyq top uıymdastyrdy, - dedi Baqytjan Іlııas.

Vıtse-mınıstrdiń aıtýynsha, qazir otandyq elektr energetıkasy taýarlaryn óndirýshilerdi memlekettik qoldaý sharalary pysyqtalyp jatyr.

Aıta keteıik, búgin elordada Energetıka mınıstrliginiń qoldaýymen Qazaqstan elektr mashına jasaýshylar qaýymdastyǵynyń uıytqy bolýymen «Elektr energetıka salasyndaǵy otandyq taýar óndirýshilerdi memlekettik qoldaý sharalary» atty taqyrypta ótken dóńgelek ústel ótip jatyr. Іs-sharaǵa Energetıka vıtse-mınıstri, Májilis depýtattary, sala mamandary men otandyq elektr energetıkasy taýar óndirýshiler qatysyp jatyr.

Osyǵan deıin Energetıka vıtse-mınıstri elektr stansalary men elektr jelileriniń 70% jańǵyrtý qajet ekenin aıtqan bolatyn.