Elektoraldy tsıkldiń merzimin ashyq jarııalaý - jańa saıası mádenıettiń kórinisi - Máýlen Áshimbaev
«Joldaýda jańa ekonomıkalyq saıasat, ekonomıkanyń naqty sektoryn damytý, memlekettiń ekonomıkadaǵy úlesin azaıtý, memlekettik basqarýdy qaıta jańǵyrtý, quqyq ústemdigi qaǵıdattaryn iske asyrý jáne taǵy basqa strategııalyq baǵyttar týraly sóz boldy. Jańa ekonomıkalyq saıasattyń maqsaty – sapalyq jáne ınklıýzıvtik turǵydan halyqtyń ál-aýqatyn arttyrý. Onyń asa mańyzdy qaǵıdalary jeke kásipkerlik bastamalardy yntalandyrý, básekelestikti damytý jáne ulttyq tabysty ádil bólý ekenin atap ótken jón», - dedi senator.
Ol Prezıdenttiń memlekettik kapıtalızmnen jáne memlekettiń ekonomıkaǵa shekten tys aralasýynan bas tartý qajettigin aıtqanyn alǵa tartty. Sondaı-aq áleýmettik jaǵynan álsiz toptaǵy azamattardyń múddelerin qatar eskere otyryp, baǵa belgileý salasynda ekonomıkalyq sýbektilerge tıisti múmkindikter beriletinin jetkizdi.
«Áleýmettik-ekonomıkalyq salada ádilettilik qaǵıdatyn iske asyrý úshin salyq reformasyn júrgizý kózdelip otyr. Soǵan sáıkes ekonomıkanyń túrli salasynda dıfferentsıaldy salyq mólsherlemesine kóshý jáne «sán-saltanatqa salyq» salýdy engizý máselesi kóterildi.
Memleket basshysy Joldaýda azamattardyń Ulttyq qordyń qarajatyn ádil bólýge qatysty suranystaryna da jaýap berdi», - Máýlen Áshimbaev.
Onyń paıymynsha, «Ulttyq qor – balalarǵa» atty asa mańyzdy bastamanyń dál Balalar jylynda jarııalanýy sımvolıkalyq mánge ıe. Osy ıgi bastama aıasynda Ulttyq qordyń jyl saıynǵy ınvestıtsııalyq tabysynyń jartysy balalardyń arnaýly jınaqtaýshy esepshotyna olar 18 jasqa tolǵanǵa deıin aýdarylyp turady. Jınaqtalǵan qarjy bolashaqta balalardyń baspana nemese bilim alýyna jumsalady.
«Ulttyq qordyń negizgi mindeti bolashaq urpaqtyń jınaǵy retinde qyzmet etý ekeni belgili. Jańa bastama qordyń sol mıssııasynyń is júzindegi kórinisi deýge tolyq negiz bar. Sonymen qatar Joldaýda saıası salany ári qaraı damytý máseleleri de qamtyldy. Memleket basshysy kezekten tys Prezıdent saılaýy jáne Parlament Májilisi men máslıhattar saılaýy týraly jarııalady», - degen Senat Tóraǵasy a ldaǵy kezeńdegi elektoraldy tsıkldiń merzimin ashyq jarııalaý jańa saıası mádenıettiń kórinisi ekenin málimdedi. Mundaı qadam qoǵam men bılik arasyndaǵy senimdi kúsheıte túsedi.
Máýlen Áshimbaevtyń aıtýynsha, respýblıkalyq referendýmda qoldaý tapqan konstıtýtsııalyq reformanyń aýqymdy bóligi basty saıası ınstıtýttardy, ıaǵnı Parlamentti, partııalardy, máslıhattardy, sondaı-aq, partııalyq jáne saılaý júıesin tabandy túrde qaıta jańǵyrtýǵa baǵyttalǵan.
«Osy rette kezekten tys saılaý negizgi bılik organdaryn Konstıtýtsııanyń jańartylǵan normalaryna sáıkestendiretinin atap ótken jón. Bul ózgerister men bastamalardyń bárin tıisti deńgeıde zańnamalyq turǵydan qamtamasyz etý qajet.
Senatorlar jańa, ádiletti Qazaqstannyń quqyqtyq bazasyn qalyptastyrý úshin osy baǵytta Májilis pen Úkimettegi áriptesterimen, sarapshylarmen jáne qoǵam ókilderimen birlesip, belsendi jumys isteıdi», - dedi ol.
