Elek ózenine batyp ketken adam qutqaryldy

AQTÓBE. QazAqparat – Aqtóbedegi Elek ózenine shomylǵan azamatty qutqarýshylar aman alyp qaldy, dep habarlaıdy QazAqparat tilshisi.

Búgin saǵat 14:40-ta Aqtóbe qalasynyń Elek ózeninde er adam sýǵa túsip, jaǵaǵa qaıta shyǵa almaı qaldy. Shuǵyl shaqyrtý alǵan qutqarýshylar oqıǵa ornyna dereý jetip, 45 jastaǵy aqtóbelikti ólim aýzynan aman alyp qaldy.

«Ol ruqsat etilmegen jerge sýǵa shomylǵan. Qutqarýshylardyń jedel jáne úılesimdi is-áreketiniń arqasynda azamat 2 metr tereńnen shyǵarylyp, jedel medıtsınalyq járdem qyzmetkerlerine tapsyryldy. Aqtóbe oblysynyń TJD kóktemde sýǵa shomylýǵa bolmaıtynyn eske salady. Kún ysyǵanymen, sý salqyn», - dep habarlady oblystyq TJD baspasóz qyzmeti.