Eldos Jumaqanov: Qolda turǵan altynnan aıyrylyp qaldym
NUR-SULTAN. QazAqparat - Býdapeshtte aıaqtalǵan Gran-prı týrnıriniń kúmis júldegeri Eldos Jumaqanovtyń aıtýynsha, qolda turǵan altynnan óz qateligi saldarynan aıyrylyp qalǵan, dep habarlaıdy Olympic.kz.
«Gran-prı týrnıriniń kúmis júldegeri atandym. Qate ózimnen ketti. »Áne laqtyramyn, mine laqtyramyn« dep ózime tym senimdi bolyp kettim. Qarsylasty aılama túsirem dep júrgende ózim taza jeńildim. Qolda turǵan altyn edi. Buıyrǵany kúmis boldy. Bul jerde ózimniń qateligim tusaý boldy. Mundaı sátte óz kúshińe senip ketkenniń de saldary bar. Degenmen, esh jasymaı, aldaǵy jarystarǵa daıyndalamyz», - deıdi Jumaqanov.
Eske sala ketsek, Gran-prı týrnıriniń fınalynda Eldos Jumaqanov mońǵolııalyq Ganbolt Herlenmen kezdesip, «altyn upaıǵa» sozylǵan jekpe-jekte jeńilip qalǵan edi.
