Eldos Smetovtiń anasy: Ol kúresken kezde tileýin tilep dalada júremin
ASTANA. KAZINFORM - Dzıýdodan Olımpıada chempıony atanǵan Eldos Smetovtiń ata-anasy balasynyń jeńisi jaıynda pikirin bildi.
Qazaqstandyq dzıýdoshy 60 keli salmaqta fınalda frantsııalyq Lýka Mheıdzeniń osal tusyn tapty.
«Qoldaý kórsetken qazaqstandyq azamattarǵa rızashylyq bildiremiz. Oǵan barlyq tileýles jurt, bapkerleri úlken senim artty. Eldiń senimin aqtady», - dedi ákesi Baqtybaı Smetov.
Anasy Toqtagúl Smetova balasynyń árbir kezdesýin teledıdar arqyly tamashalaı almaıtynyn aıtady.
«Ol kúresken kezde tileýin tilep dalada júremin. Beldesý ótetin bes mınýt men úshin uzaqqa sozylady. Kók týymyzdy kókke kóterýine qashan da tilekshi boldym», - deıdi ol.
Parıj Olımpıadasynda ol nıderlandylyq Tornıke Chkadýany, ýkraınalyq Dılshot Halmatov, taıpeılik ıAng ıÝ Veı, ıspanııalyq Fransısko Garrıgosty jeńdi.
Al fınalda frantsııalyq Lýka Mheıdzeniń osal tusyn tapty.
Aıta ketsek, Eldos budan buryn 2016 jyly Rıo de Janeıroda kúmis, 2020 jylǵy Tokıoda qola medal oljalaǵan bolatyn.
Ol Olımpıada joldamasyna maýsym aıynda elimizde 60 keli salmaqta ótken irikteý týrnırinde Maǵjan Shamshadın, Nurqanat Serikbaevty jeńgennen keıin qol jetkizgen edi.
Sondaı-aq, ol dzıýdo sportynan elimizden shyqqan tuńǵysh Olımpıada chempıony ataǵyn jeńip aldy.
