Eldos Smetovke jańa avtokóliktiń kilti tabystaldy

TARAZ. QazAqparat – Jambyl oblysynyń ákimi Berdibek Saparbaev Tokıo Olımpıadasynyń qola júldegeri, dzıýdo sheberi Eldos Smetovti qabyldady, dep habarlaıdy QazAqparat tilshisi.

Kezdesýde aımaq basshysy sportshynyń jetistikterin joǵary baǵalap, ol tek Jambyl oblysynyń ǵana emes, elimizdiń namysyn abyroıly qorǵap, mereıin tasytyp júrgenin aıryqsha atap ótti.

«Jambyl jerinen shyqqan sport sańlaqtary az emes. Solardyń biri de biregeıi – Eldos Smetov dep bilemiz. Seniń jetistigiń, sporttaǵy tabystaryń – búgingi jas býynǵa úlgi-ónege. Sen ózińniń myqty sportshy ekenindi taǵy da dáleldeı tústiń. Barsha jankúıerlerdiń úmitin aqtadyń»,- dedi Berdibek Saparbaev.

Sondaı-aq, oblys ákimi Eldos Smetovke jańa avtokóliktiń kiltin tabystap, aldaǵy ýaqytta da el sportyń damytý jolyndaǵy eleýli eńbegine sáttilik tiledi. Al, jattyqtyrýshysy Ǵalymjan Jylgeldıevke 1 mıllıon teńgeniń sertıfıkaty tabys etildi.

Óz kezeginde dzıýdoshy da qurmet bildirgen oblys basshylyǵyna alǵysyn jetkizdi.